മമ്മൂക്കയുടെ സാന്നിധ്യം ചുറ്റുമുള്ളവരുടെ സന്തോഷത്തിന് കാരണമാകുന്ന പല വീഡിയോസും നമ്മൾ കണ്ടിട്ടുണ്ട്. എന്നാൽ പുതിയൊരു വീഡിയോ ആണ് ഇപ്പോൾ സോഷ്യൽ മീഡിയയിൽ ശ്രദ്ധ നേടുന്നത്.
മമ്മൂട്ടിയുടെ ഏറ്റവും പുതിയ ചിത്രമായ ടാർബോയുടെ ലൊക്കേഷനിൽ നിന്നുള്ള വീഡിയോ ആണിത്. രാത്രിയിൽ ഷൂട്ടിംഗ് കഴിഞ്ഞ് കാരവാനിലേക്ക് കയറാൻ പോകുന്ന മമ്മൂട്ടിയുടെ ആരാധകരോടുള്ള പ്രതികരണമാണ് വിഡിയോയിൽ.
‘അല്ലേലും ആൾക്കൂട്ടത്തിന് ആഘോഷിക്കാൻ മൂപ്പര് ഇങ്ങനെ വെറുതെ ഒന്ന് നടന്നാൽ മതി, പോരാത്തതിന് ക്ലൈമാക്സ് കളറാക്കി ഒരു നമ്പരും’ എന്ന അടികുറിപ്പോടെയാണ് വീഡിയോ പങ്കുവച്ചിരിക്കുന്നത്.
മമ്മൂട്ടി നടന്നു വരുമ്പോൾ തന്നെ കൂട്ടം കൂടി നിൽക്കുന്ന ആരാധകരുടെ ശബ്ദം കേൾക്കാം. മമ്മൂക്ക എന്ന് ആർത്ത് വിളിക്കുന്നതും മമ്മൂട്ടി കൈ വീശുന്നതും വിഡിയോയിൽ കാണാം. കാരവനിൽ കയറുന്നതിനിടെ തിരിഞ്ഞ് ആരാധകർക്ക് തിരിച്ചൊരു കൂവലും കൂകിയിട്ടാണ് അദ്ദേഹം അകത്തേക്ക് കയറുന്നത്.
പ്രതീക്ഷിക്കാതെ ലഭിച്ച പ്രതികരണത്തിൽ ഞെട്ടി ആർത്തുല്ലസിക്കുന്ന ആരാധകരുടെ ശബ്ദമാണ് പിന്നീട് വിഡിയോയിൽ കേൾക്കുന്നത്.