‘നന്പകല് നേരത്ത് മയക്കം’ സിനിമയുടെ ഷൂട്ടിംഗിനിടെ നിലത്ത് കിടന്നുറങ്ങുന്ന മമ്മൂട്ടിയുടെ ചിത്രം സോഷ്യല് മീഡിയയില് വൈറലായിരുന്നു. ഈ ചിത്രത്ത കുറിച്ച് പ്രതികരിച്ചിരിക്കുകയാണ് മമ്മൂട്ടി ഇപ്പോള്. ‘ക്രിസ്റ്റഫര്’ സിനിമയുടെ പ്രസ് മീറ്റിനിടെയാണ് താരം ചിത്രത്തെ കുറിച്ച് സംസാരിച്ചത്.
ആ ഫോട്ടോ എപ്പോള് എടുത്തതാണെന്ന് ഓര്മയില്ല. ഞാന് അവിടെ കിടക്കുന്ന സീന് ഉണ്ടെന്ന് തോന്നുന്നു. അവിടെ കിടക്കാന് വലിയ സൗകര്യമൊന്നും ഉണ്ടായിരുന്നില്ല. കിടന്നാല് അഴുക്ക് പറ്റും, പാന്റ് ചുളിയും, മേക്കപ്പ് പോകും എന്നുള്ള പ്രശ്നങ്ങളൊന്നുമില്ല. ആ മുണ്ടും ഷര്ട്ടും തന്നെയാണ് സിനിമയില് ത്രൂ ഔട്ട് ഉള്ളത്.
അത് രണ്ട് മൂന്ന് ജോഡിയുണ്ടെന്ന് തോന്നുന്നു. അപ്പോഴത് പിന്നേം പിന്നേം കഴുകിയിടുന്നു. അതുകൊണ്ട് പ്രത്യേകിച്ച് അഴുക്കൊന്നും പറ്റാനില്ല. അതിനകത്ത് ഉള്ള അഴുക്കിനേക്കാള് കൂടുതല് കിടക്കുന്ന സ്ഥലത്തും ഇല്ല. അങ്ങനെ കിടന്നതാണ് താന്. സിനിമയില് അമ്പലത്തിന് മുന്നില് സാഷ്ടാംഗം പ്രണമിക്കുന്ന ഒരു സീനുണ്ട്.
അത് കഴിഞ്ഞിട്ടുള്ള ഷോട്ടിന് മുമ്പ് അവിടെ കിടന്ന് ഒന്ന് കണ്ണടച്ചെന്നെ ഒള്ളൂ. അതാണ് സത്യം. അതിന്റെ പുറകില് വേറെ കഥയൊന്നും ഇല്ല താന് എന്നാണ് മമ്മൂട്ടി പറയുന്നത്. അതേസമയം, ജനുവരി 19ന് പുറത്തിറങ്ങിയ നന്പകല് നേരത്ത് മയക്കത്തിന് ഗംഭീര പ്രതികരണങ്ങള് ആയിരുന്നു ലഭിച്ചത്.
ലിജോ ജോസ് പെല്ലിശേരിയുടെ സംവിധാനത്തില് എത്തിയ ചിത്രം കേരളത്തിലും തമിഴ്നാട്ടിലും ഒരു പോലെ ശ്രദ്ധ നേടിയിരുന്നു.