മമ്മൂട്ടിയുടെ പഴയൊരു വീഡിയോയായാണ് ഇപ്പോള് സോഷ്യല് മീഡിയയില് വൈറലാകുന്നത്. തന്റെ വാപ്പയുടെ മരണത്തെക്കുറിച്ചാണ് വീഡിയോയില് മമ്മൂട്ടി സംസാരിക്കുന്നത്. താന് ഇല്ലാതിരിക്കുന്ന കാലം ആളുകള് മമ്മൂട്ടി നല്ലൊരു നടനും നല്ല വ്യക്തിയുമാണെന്ന് പറയണമെന്നാണ് തന്റെ ആഗ്രഹമെന്നാണ് മമ്മൂട്ടി പറയുന്നത്. മരണത്തെക്കുറിച്ച് താന് ചിന്തിക്കുന്നത് പിതാവ് മരിച്ചപ്പോഴാണെന്നാണ് മമ്മൂട്ടി പറയുന്നത്.
മരണത്തെക്കുറിച്ച് ഞാന് ചിന്തിക്കുന്നത് എന്റെ വാപ്പ മരിച്ചപ്പോഴാണ്. അത് വല്ലാത്തൊരു നഷ്ടമായിരുന്നു. ചെറുപ്പത്തില് വാപ്പയുടെ അനിയനും മറ്റ് ബന്ധുക്കളുമൊക്കെ മരിച്ചിട്ടുണ്ട്. പക്ഷെ എന്റെ വാപ്പ മരിക്കുമെന്ന് ഞാന് കരുതിയിരുന്നില്ല. അതോടെയാണ് മരണം എന്നതിനെക്കുറിച്ച് ചിന്തിച്ച് തുടങ്ങുന്നത്” എന്നാണ് മമ്മൂട്ടി പറയുന്നത്.
എന്ത് നേടിയാലും അവസാനം ഇതാണല്ലോ എന്നോര്ക്കാറുണ്ടോ എന്ന് ചോദിക്കുമ്പോള് തീര്ച്ചയായും എന്നാണ് മമ്മൂട്ടി നല്കുന്ന മറുപടി. അങ്ങനെയാണെങ്കില് മത്സരബുദ്ധിയുണ്ടാകുമോ എന്നാണ് അവതാരകന് ചോദിക്കുന്നത്. പക്ഷെ നമ്മള് നമുക്ക് വേണ്ടി മാത്രമായിട്ടല്ല ജീവിക്കുന്നതെന്നാണ് മമ്മൂട്ടി നല്കുന്ന മറുപടി.
‘നമ്മള് ജീവിക്കുന്നത് നമുക്ക് വേണ്ടി മാത്രമല്ല. അവനവന് വേണ്ടി മാത്രം ജീവിക്കാന് പറ്റില്ല. ലോകം നമ്മള് മാത്രമല്ല. ഈ ലോകത്ത് ജീവിക്കുമ്പോള് മറ്റുള്ളവര്ക്കും നമ്മളെക്കൊണ്ട് ജീവിക്കാനുള്ള സാഹചര്യമാകണം. എന്നാണ് മമ്മൂട്ടി പറയുന്നത്.