ബോളിവുഡില്‍ നിന്ന് ആദ്യകാലത്ത് നേരിടേണ്ടി വന്ന ദുരനുഭവങ്ങള്‍ പങ്കു വെച്ചുള്ള മല്ലിക ഷെരാവത്തിന്റെ അഭിമുഖം ശ്രദ്ധ നേടുകയാണ്. സ്വന്തമായി നിലപാടുകളും അഭിപ്രായങ്ങളുമുണ്ടായതിന്റെ പേരിലാണ് പല പ്രൊജക്ടുകളും തനിക്ക് നഷ്ടമായതെന്ന് നടി വെളിപ്പെടുത്തിയിരുന്നു. കരിയറിന്റെ തുടക്ക കാലത്ത് പല സംവിധായകരുടെയും നിര്‍മ്മാതാക്കളുടെയും വിചിത്രമായ സ്വഭാവത്തിന് താന്‍ സാക്ഷിയായിട്ടുണ്ടെന്നും എന്നാല്‍ അതിനൊത്ത് പ്രവര്‍ത്തിക്കാന്‍ സാധിക്കില്ലെന്ന് അവരുടെ മുഖത്ത് നോക്കിപ്പറഞ്ഞെന്നും മല്ലിക വെളിപ്പെടുത്തി.
ഒരിക്കല്‍ ബോളിവുഡിലെ ഒരു പ്രശസ്തനായ നിര്‍മ്മാതാവ് ഒരു ഹോട്ട് രംഗം ചിത്രീകരിക്കാന്‍ വേണ്ടി എന്റെ വയറില്‍ മുട്ട പൊരിച്ചെടുക്കുന്നത് ചിത്രീകരിക്കണമെന്ന് ആവശ്യപ്പെട്ടു. എന്നാല്‍ ഞാനതിന് വഴങ്ങിയില്ല. അതൊന്നും സാധിക്കില്ലെന്ന് തന്നെ അയാളുടെ മുഖത്ത് നോക്കി ഞാന്‍ പറഞ്ഞു.
ഹീറോകള്‍ തന്നെയാണ് അവരുടെ ചിത്രങ്ങളില്‍ നിന്ന് എന്നെ ഒഴിവാക്കിയത്. പകരം അവരുടെ കാമുകിമാരെ ചിത്രങ്ങളില്‍ നായികമാരാക്കി. 20-30 സിനിമകള്‍ വരെ ഇത്തരത്തില്‍ എനിക്ക് നഷ്ടമായി കാണും. ഇപ്പോള്‍ തിരിഞ്ഞു നോക്കുമ്പോള്‍ അവരൊക്കെ എത്രമാത്രം വിഡ്ഢികളായിരുന്നുവെന്ന് എനിക്ക് മനസ്സിലാവുന്നു. മല്ലിക പറഞ്ഞു.