916 എന്ന ചിത്രത്തിലൂടെ മലയാളത്തിൽ അരങ്ങേറ്റം കുറിച്ച് താരമാണ് മാളവിക മേനോൻ. പിന്നീട് ചെറുതും വലുതുമായ വേഷങ്ങളിലൂടെ മാളവിക ശ്രദ്ധേയമായ പ്രകടനങ്ങൾ നടത്തുകയുണ്ടായി. നാദിർഷ സംവിധാനം ചെയ്യുന്ന ‘വൺസ് അപോൺ എ ടൈം’ എന്ന ചിത്രമാണ് മാളവികയുടെ ഏറ്റവും പുതിയ സിനിമ.
ഇപ്പോഴിതാ സോഷ്യൽ മീഡിയയിൽ പലതരത്തിലുള്ള നെഗറ്റീവ് കമന്റുകൾ വരുന്നതിനെ കുറിച്ചും തന്റെ ജീവിതത്തെ കുറിച്ചും സംസാരിക്കുകയാണ് മാളവിക മേനോൻ. ഈയിടെ ചിലര് സംഘമായി തന്നെ സോഷ്യൽ മീഡിയയിൽ ആക്രമിക്കുന്നുണ്ടെന്നാണ് മാളവിക പറയുന്നത്.
“കൊടുങ്ങല്ലൂരിലെ നാട്ടിന്പുറത്ത് വളര്ന്ന സാധാരണ പെണ്കുട്ടിയാണ് താന്. അങ്ങനെയുള്ള ഒരാള് നാലാറിയുന്ന നായികയായി മാറിയിട്ടുണ്ടെങ്കില് അതാണ് സിനിമ നല്കിയ ഗുണം. അറിയുന്നു എന്നത് ഒരേസമയം ഗുണവും ദോഷവുമായി മാറിയിട്ടുണ്ട്. പണ്ടൊക്കെ എല്ലായിടത്തേക്കും പോകാന് പറ്റുമായിരുന്നു. ഇപ്പോള് മാസ്കിട്ട് നടന്നാല് പോലും ആളുകള് തിരിച്ചറിയും. സ്വകാര്യത നഷ്ടമായി എന്ന ദോഷം ഇതിനൊപ്പമുണ്ട്.
ആദ്യമൊക്കെ സൈബർ ബുള്ളിയിങ് പ്രശ്നങ്ങള് കുറവായിരുന്നു. ഈയിടെ ചിലര് സംഘമായി എന്നെ സമൂഹ മാധ്യമങ്ങളില് ആക്രമിക്കുന്നു. തുടക്കത്തില് ചില കമന്റുകള് കണ്ടപ്പോള് വേദന തോന്നി. ഇപ്പോഴത് ശീലമായി. അതുകൊണ്ട് അതിനെക്കുറിച്ച് ആലോചിക്കാറില്ല.” എന്നാണ് മാളവിക ചിത്രത്തന്റെ പ്രൊമോഷനിടെ പറഞ്ഞത്.
അതേസമയം വൺസ് അപോൺ എ ടൈം ഇൻ കൊച്ചി മെയ് 31നാണ് പുറത്തിറങ്ങുന്നത്. . അർജുൻ അശോകൻ, ഷൈൻ ടോം ചാക്കോ എന്നിവർ പ്രധാന കഥാപാത്രങ്ങളായെത്തുന്ന ചിത്രത്തിൽ റാഫിയുടെ മകൻ മുബിൻ എം റാഫിയാണ് നായകനായെത്തുന്നത്. ‘ഞാൻ പ്രകാശൻ’ എന്ന ചിത്രത്തിലൂടെ ശ്രദ്ധേയയായ ദേവിക സഞ്ജയ് ആണ് ചിത്രത്തിൽ നായികയായെത്തുന്നത്.
കോമഡി- എന്റർടൈനർ ഴോണറിൽ പുറത്തിറങ്ങുന്ന ചിത്രത്തിന് സംഗീത സംവിധാനം നിർവഹിക്കുന്നത് ഹിഷാം അബ്ദുൾ വഹാബ് ആണ്.കലന്തൂര് എന്റര്ടൈന്മെന്റ്സിന്റെ ബാനറില് കലന്തൂര് ആണ് ചിത്രം നിർമ്മിക്കുന്നത്. ഷാജി കുമാറാണ് ചിത്രത്തിന് ഛായാഗ്രഹണം നിർവഹിക്കുന്നത്.