സേതുരാമയ്യരുടെ കൈ പിന്നില് കെട്ടിയുള്ള ആ നടത്തത്തിന് അഞ്ചാം ഭാഗത്തിലും മാറ്റമൊന്നുമില്ല. ഇപ്പോഴിതാ സ്ഥിരം അത ചെയ്യേണ്ടി വന്നത് മമ്മൂട്ടി സ്വല്പ്പം വിഷമത്തിലാക്കിയെന്നാണ് സംവിധായകന് മധു പറയുന്നത്.
ഷൂട്ടിങ്ങിനിടെ മമ്മൂട്ടി അറിയാതെ കൈ മാറ്റിയാല് ഉടന് ഞാന് വിളിച്ചു പറയും.”ആശാനേ…കൈ…” പ്രൈമറി സ്കൂള് കുട്ടികളെ നിയന്ത്രിക്കുന്ന പോലെ ഇക്കാര്യത്തില് ഞാന് കര്ശനക്കാരനായി.”ഇതു വലിയ പൊല്ലാപ്പായല്ലോ…എന്റെ കൈ വേദനിക്കുന്നു….” എന്ന് ഇടയ്ക്കു മമ്മൂട്ടി പരാതിപ്പെട്ടിരുന്നു.
”നിങ്ങള് കൊണ്ടു വന്ന സ്റ്റൈല് അല്ലേ….എങ്ങനെ മാറ്റും ആശാനേ…”എന്നു ഞാന് പറയുമ്പോള് അദ്ദേഹം പഴയ പോലെ വീണ്ടും കൈ പിന്നില് കെട്ടി നടക്കും.സിനിമയോട് അദ്ദേഹം കാട്ടുന്ന പ്രതിബദ്ധത അംഗീകരിച്ചു കൊടുക്കേണ്ടതാണ്. അദ്ദേഹം മനോരമയുമായുള്ള അഭിമുഖത്തില് പറഞ്ഞു.
സേതുരാമയ്യര് സീരീസിലെ മുന്പിറങ്ങിയ നാലു ഭാഗങ്ങളും സൂപ്പര്ഹിറ്റുകളായിരുന്നു. 1988-ല് ഒരു സിബിഐ ഡയറിക്കുറിപ്പ് എന്ന പേരിലായിരുന്നു ആദ്യ വരവ്. 1989-ല് ജാഗ്രത എന്ന പേരില് രണ്ടാംവട്ടവും സേതുരാമയ്യരെത്തി. 2004-ല് സേതുരാമയ്യര് സിബിഐ, 2005-ല് നേരറിയാന് സിബിഐ എന്നീ ചിത്രങ്ങളും എത്തി.