സംവിധായിക ഗീതു മോഹന്ദാസിനെതിരെ ഗുരുതര ആരോപണങ്ങളുമായി സംവിധായകന് ലിജു കൃഷ്ണ. തനിക്കെതിരെ വന്ന ലൈംഗിക പീഡന പരാതിക്ക് പിന്നില് ഗീതു മോഹന്ദാസ് ആണോയെന്ന് അന്വേഷിക്കണമെന്ന് ലിജു കൃഷ്ണ പറഞ്ഞു.
ഡബ്ല്യൂസിസിയുടെ അധികാരം ഗീതു മോഹന്ദാസ് ദുരുപയോഗിക്കുകയായിരുന്നു. ‘പടവെട്ട്’ സിനിമയുടെ കഥ കേട്ടപ്പോള് ഗീതു ചില മാറ്റങ്ങള് ആവശ്യപ്പെട്ടു. എന്നാല് ഇത് അംഗീകരിക്കാതെ വന്നതോടെ അവര്ക്ക് വൈരാഗ്യമുണ്ടായി.
പീഡന പരാതിക്ക് പിന്നില് ഗീതു ആണോ എന്ന് അന്വേഷിക്കണം എന്നാണ് ലിജു കൃഷ്ണ പറയുന്നത്. ഇക്കഴിഞ്ഞ മാര്ച്ചിലാണ് ലിജു കൃഷ്ണയ്ക്കെതിരെ ലൈംഗിക പീഡന പരാതിയുമായി സിനിമാ പ്രവര്ത്തക കൂടിയായ യുവതി രംഗത്തെത്തിയത്.
സിനിമയുടെ നിര്മ്മാണ ആവശ്യങ്ങള്ക്കായി വാടകയ്ക്കെടുത്ത വീട്ടില് കൊണ്ടുപോയി തന്നെ ലൈംഗികമായി പീഡിപ്പിക്കുകയായിരുന്നു എന്നാണ് യുവതി ആരോപിച്ചത്. യുവതിയുടെ പാരതിയില് കേസ് എടുക്കുകയും സംവിധായകനെ അറസ്റ്റ് ചെയ്യുകയും ചെയ്തിരുന്നു. ചോദ്യം ചെയ്യലില് ലിജു കുറ്റം സമ്മതിച്ചിരുന്നു.