അല്‍ഫോണ്‍സ് പുത്രന്‍ ചിത്രം ഗോള്‍ഡില്‍ ഐഡിയ ഷാജിയായി എത്തിയത് ലാലു അലക്‌സായിരുന്നു. ഇപ്പോഴിതാ അല്‍ഫോണ്‍സ് പുത്രനും പൃഥ്വിരാജിനും ഒപ്പം പ്രവൃത്തിച്ചപ്പോഴുള്ള അനുഭവം ഒരു മാധ്യമവുമായുള്ള അഭിമുഖത്തില്‍ പങ്കുവെച്ചിരിക്കുകയാണ് ലാലു അലക്‌സ്.
‘ഞാനാണ് അല്‍ഫോണ്‍സിനോട് എങ്കില്‍ നമുക്ക് ഈ കഥാപാത്രത്തിന് ഐഡിയ ഷാജിയെന്ന് പേരുകൊടുത്താലോയെന്ന് ചോദിക്കുന്നത്. അത് കൊള്ളാമെന്നായിരുന്നു അല്‍ഫോണ്‍സിന്റെയും പ്രതികരണം. പ്രേക്ഷകര്‍ ഗോള്‍ഡില്‍ കാണുന്ന ഐഡിയ ഷാജി എന്ന കഥാപാത്രത്തിനായി ഞാന്‍ നല്‍കിയത് അത് മാത്രമാണ് ബാക്കിയെല്ലാം സംവിധായകന്റേതാണ്. ഒരു ഡയറക്ടേഴ്‌സ് ആക്ടറാണ് ഞാന്‍. സംവിധായകരുടെ മനസിലുള്ള കഥാപാത്രമായി മാറാന്‍ ശ്രമിക്കും.’
എന്റെ ഹീറോയും ഡയറക്ടറുമാണ് പൃഥ്വിരാജ് സുകുമാരന്‍. അതിനേക്കാള്‍ ഉപരി പൃഥ്വിരാജിനെ ഞാന്‍ ഇഷ്ടപ്പെടുന്നതിന്റെ പ്രധാന കാരണം സുകുവേട്ടന്റെ മകനാണ് എന്ന കാര്യമാണ്. പൃഥ്വി ഇന്ന് വളരെ തിരക്കുള്ള നടനും സംവിധായകനും നിര്‍മാതാവുമൊക്കെയാണ്.’ ലാലു അലക്‌സ് പറയുന്നു.
ഡ്രൈവിങ് ലൈസന്‍സ്, ബ്രോ ഡാഡി, ഗോള്‍ഡ് എന്നിങ്ങനെ മൂന്ന് സിനിമകളില്‍ പൃഥ്വിയ്‌ക്കൊപ്പം വര്‍ക്ക് ചെയ്തു. പൃഥ്വിയുടെ കരിയറിന്റെ തുടക്കം മുതല്‍ നിരവധി സിനിമകളില്‍ ഞങ്ങള്‍ ഒന്നിച്ച് അഭിനയിച്ചിട്ടുണ്ട്. അയാളുടെ കരിയര്‍ അടുത്ത് നിന്ന് കണ്ട ഒരാളെന്ന നിലയില്‍ എനിക്കുറപ്പായിരുന്നു ലാലു അലക്‌സ് പറഞ്ഞു.
