ഒരു ഇടവേളയ്ക്ക് ശേഷം ലാലു അലക്സ് അവതരിപ്പിച്ച ബ്രോ ഡാഡിയിലെ കുര്യന് മാളിയേക്കല് എന്ന കഥാപാത്രത്തെ ഇരു കൈകളും നീട്ടിയാണ് പ്രേക്ഷകര് സ്വീകരിച്ചത്. സിനിമയില് വിജയിച്ചു നില്ക്കുന്നു എന്ന് പ്രേക്ഷകര് കരുതുന്നവര് പോലും ഇപ്പോഴും സംവിധായകരോട് ചാന്സ് ചോദിക്കാറുണ്ട്.
താനും പണ്ട് ചാന്സ് ചോദിക്കാറുണ്ടായിരുന്നു എന്നും എന്നാല് ഇപ്പോള് അത് നിര്ത്തി എന്നും പറയുകയാണ് ലാലു അലക്സ്. ബിഹൈന്ഡ്വുഡ്സിനോടായിരുന്നു അദ്ദേഹത്തിന്റെ പ്രതികരണം. ഞാന് ഒന്നിന്റേയും പുറകെ ഓടുന്ന ആളല്ല. പണ്ട് ചാന്സ് ചോദിക്കുമായിരുന്നു. ഇപ്പോ അതങ്ങ് നിര്ത്തി. ഏതായാലും അവിടുന്നു ഇവിടെ വരെയൊക്കെ എത്തിയല്ലോ.
ഇനിയും എനിക്ക് പറ്റിയ, എന്നെ കൊണ്ട് ചെയ്യിച്ചെടുക്കാന് പറ്റിയ വേഷങ്ങള് വരട്ടെ, വരുമ്പോള് കെട്ടിപ്പിടിച്ച് ആലിംഗനം ചെയ്ത് സ്വീകരിക്കും ലാലു അലക്സ് പറഞ്ഞു. ഇപ്പോഴും അഭിനയിക്കാന് പോകുമ്പോള് പേടിയുണ്ട്. പുതിയ സംവിധായകനാണെങ്കില്. ഞാന് ഇതുവരെ അഭിനയിച്ചിട്ടില്ലാത്ത സംവിധായകനാണെങ്കില് ഒരു രണ്ടുമൂന്ന് ഷോട്ടൊക്കെ എടുത്ത് കഴിയുമ്പോഴേ ഞാന് കംഫര്ട്ടബിള് ആവുകയുള്ളൂ. ലാലു അലക്സ് കൂട്ടിച്ചേര്ത്തു.