മലയാളികളുടെ എക്കാലത്തെയും പ്രിയപ്പെട്ട നടനാണ് കുഞ്ചാക്കോ ബോബൻ. തന്റെ ആദ്യകാല സിനിമകളെ കുറിച്ചും അവയിൽ റീമേക്കിന് ഒരു അവസരം വന്നാൽ താൻ ചെയ്യുന്ന സിനിമയെപ്പറ്റിയും തുറന്നു പറഞ്ഞിരിക്കുകയാണ് നടൻ ഇപ്പോൾ. പേർളി മണിഷോയിലാണ് അദ്ദേഹം ഇക്കാര്യത്തെപ്പറ്റി തുറന്ന് സംസാരിച്ചത്.
അനിയത്തിപ്രാവ്, പ്രിയം, നിറം ഇതിൽ ഏതു സിനിമയുടെ റീമേക്ക് ചെയ്യാൻ അവസരം കിട്ടിയാൽ നോക്കാതെ പെട്ടെന്ന് ചെയ്യുന്ന സിനിമ ഏതെന്ന് പേർളി ചോദിച്ചതിന് മറുപടിയായാണ് അദ്ദേഹം ഇക്കാര്യത്തെക്കുറിച്ച് സംസാരിച്ചത്. റീമേക്കിന് ഒരു അവസരം വന്നാൽ ഉറപ്പായും അനിയത്തിപ്രാവ് ചെയ്യും.
തന്റെ ആദ്യകാല അഭിനയം കണ്ടു പലപ്പോഴും തനിക്ക് തന്നെ കരച്ചിൽ വന്നിട്ടുണ്ട് ഇതൊക്കെയാണോ താൻ കാണിച്ചു കൂട്ടിയതെന്ന് പലപ്പോഴും ഓർക്കാറുണ്ടെന്നും കുഞ്ചാക്കോ ബോബൻ പറഞ്ഞു. അതുകൊണ്ടു തന്നെ ഒരു അവസരം കിട്ടിയാൽ ഉറപ്പായും അനിയത്തിപ്രാവിന്റെ റീമേക്ക് ചെയ്യും. നായിക ആരായാലും തനിക്ക് കുഴപ്പമില്ലെന്നും തന്റെ അഭിനയം കൂടുതൽ മെച്ചപ്പെടുത്താനാണ് റീമേക്ക് ചെയ്യുന്നതെന്നും കുഞ്ചാക്കോ ബോബൻ കൂട്ടിച്ചേർത്തു.
കുഞ്ചാക്കോ ബോബൻ നായകനായെത്തിയ ‘ന്നാ താൻ കേസ് കൊടാ’ണ് ഏറ്റവും ഒടുവിൽ പുറത്തിറങ്ങിയ ചിത്രം. തിയേറ്ററിൽ മികച്ച പ്രേക്ഷക സ്വീകാര്യതയാണ് ചിത്രം നേടിയിരിക്കുന്നത്. ആൻഡ്രോയിഡ് കുഞ്ഞപ്പൻ, കനകം കാമിനി കലഹം എന്നീ സിനിമകൾക്കു ശേഷം രതീഷ് പൊതുവാൾ സംവിധാനം ചെയ്യുന്ന ചിത്രം കൂടിയാണ് ന്നാ താൻ കേസ് കൊട്.