ഭാര്യ പ്രിയയുടെ അഭിപ്രായം കേട്ട് താന് ചെയ്ത സിനിമകള് പരാജയപ്പെട്ടിട്ടുണ്ടെന്ന് കുഞ്ചാക്കോ ബോബന്. സിനിമകളുടെ കാര്യത്തില് ഭാര്യയുടെ ഇടപെടല് ഉണ്ടാകുമോ എന്ന ചോദ്യത്തിനാണ് ഒരു അഭിമുഖ പരിപാടിയില് കുഞ്ചാക്കോ ബോബന് മറുപടി പറഞ്ഞത്.
തന്റെ സിനിമകളുടെ കാര്യത്തില് പ്രിയ ഇടപെടാറില്ല. പക്ഷേ അഭിപ്രായം ചോദിക്കാറുണ്ട്. പ്രിയ ചെയ്യരുത് എന്ന് പറഞ്ഞിട്ട് താന് ചെയ്ത ചില സിനിമകള് ഹിറ്റായിട്ടുണ്ട്. അത് പോലെ തിരിച്ചും സംഭവിച്ചിട്ടുണ്ട്. തങ്ങള് രണ്ടുപേരും ചേര്ന്ന് തീരുമാനം എടുത്താലും ചിലപ്പോള് പരാജയം സംഭവിക്കാറുണ്ട് എന്നാണ് താരം പറയുന്നത്.
അതേസമയം, അജയ് വാസുദേവ് സംവിധാനം ചെയ്യുന്ന പകലും പാതിരാവും എന്ന ചിത്രത്തിന്റെ ഷൂട്ടിംഗിലാണ് കുഞ്ചാക്കോ ബോബന് ഇപ്പോള്. ഭീമന്റെ വഴി ആയിരുന്നു താരത്തിന്റെതായി ഒടുവില് തിയേറ്ററുകളില് എത്തിയ ചിത്രം.
പട, ഒറ്റ്, അറിയിപ്പ്, ന്നാ താന് കേസ് കൊട്, എന്താടാ ഷാജി, പദ്മിനി, ആറാം പാതിര, ഗര്, നീലവെളിച്ചം, മറിയം ടൈലേഴ്സ് എന്നിങ്ങനെ നിരവധി സിനിമകളാണ് കുഞ്ചാക്കോയുടെതായി അണിയറയില് ഒരുങ്ങുന്നത്.