ബോളിവുഡ് നടി പ്രിയങ്ക ചോപ്ര നടത്തിയ ഒരു വെളിപ്പെടുത്തല് സോഷ്യല് മീഡിയ ഉപയോക്താക്കളെ രണ്ടായി വിഭജിച്ചിരിക്കുകയാണ്. ഒരു വിഭാഗം ആളുകള് നടിയെ പിന്തുണയ്ക്കുമ്പോള് മറ്റൊരു വിഭാഗം ബോളിവുഡില് തനിക്ക് നേരിട്ട കൊടിയ വിവേചനത്തെക്കുറിച്ച് തുറന്നു സംസാരിക്കാനുള്ള അവളുടെ ധൈര്യത്തെ പ്രശംസിക്കുകയാണ്.
ഇപ്പോഴിതാ പ്രിയങ്ക ബോളിവുഡിനെതിരെ നടത്തിയ വെളിപ്പെടുത്തലുകളില് തന്റെ നിലപാട് അറിയിച്ച് രംഗത്ത് വന്നിരിക്കുകയാണ് വിവാദനായകന് കമാല് ആര് ഖാന്.
ട്വിറ്ററിലൂടെ, കമാല് റഷീദ് ഖാന് എന്ന കെആര്കെ, തന്റെ ട്വീറ്റില് പ്രിയങ്ക ചോപ്ര ജോനാസിനെക്കുറിച്ച് സംസാരിക്കുന്നതിനിടെ തന്നെ സുശാന്ത് സിംഗ് രജ്പുത്തിക്കുറിച്ചും പരാമര്ശിച്ചു. ”ബോളിവുഡ് ആളുകള് @പ്രിയങ്കാചോപ്രയെ മുംബൈയില് താമസിക്കാന് അനുവദിച്ചില്ല.
അതുപോലെ സുശാന്ത് സിംഗ് രജ്പുതിനെ മുംബൈയില് സമാധാനത്തോടെ ജീവിക്കാന് അവര് സമ്മതിച്ചില്ല. അപ്പോള് ഞാന് ആരാണ്? ഇവരൊക്കെ എന്നോട് എന്ത് ചെയ്യും. തീര്ച്ചയായും എന്നെയും മുംബൈയില് താമസിക്കാന് അനുവദിക്കില്ല. അവര് എന്നെ കൊല്ലുകയോ ജയിലില് അടയ്ക്കുകയോ ചെയ്യും. അദ്ദേഹം ട്വീറ്റ് ചെയ്തു.