ആരാധകര് ആകാംക്ഷയോടെ കാത്തിരുന്ന സുരേഷ് ഗോപി ചിത്രം കാവല് ഈ മാസം 25 ന് തിയറ്ററുകളില്. നടന് സുരേഷ് ഗോപിയാണ് ് ചിത്രം റിലീസ് ചെയ്യുന്ന വിവരം സോഷ്യല്മീഡിയയില് പങ്കുവെച്ചത്. ഗുഡ് വില് എന്റര്ടൈയ്ന്മെന്റിന്റെ ബാനറില് ജോബി ജോര്ജ്ജ് നിര്മ്മിക്കുന്ന ബിഗ് ബജറ്റ് ചിത്രം സംവിധാനം ചെയ്തിരിക്കുന്നത് നിഥിന് രഞ്ജി പണിക്കരാണ്.
സിനിമയിലെ ഒരു ചിത്രം പങ്കുവെച്ചുകൊണ്ടാണ് ഈ മാസം സിനിമ തിയറ്ററുകളില് എത്തുന്ന വിവരം അദ്ദേഹം അറിയിച്ചത്. എല്ലാവരും തിയറ്ററുകളില് എത്തി ചിത്രം ആസ്വദിക്കണമെന്ന് അദ്ദേഹം അഭ്യര്ത്ഥിച്ചു. എല്ലാവരുടെയും പ്രാര്ത്ഥനകള് കൂടെയുണ്ടാകണമെന്നും സുരേഷ് ഗോപി ഫേസ്ബുക്കില് കുറിച്ചു. #Kaaval എന്ന ഹാഷ്ടാഗോടെയാണ് സുരേഷ് ഗോപി കുറിപ്പ് പങ്കുവെച്ചിരിക്കുന്നത്.
സംവിധായകനായ നിഥിന് രഞ്ജി പണിക്കരാണ് കാവലിന്റെ തിരക്കഥ എഴുതിയിരിക്കുന്നത്. പത്മരാജ് രതീഷ്, മുത്തുമണി, റേച്ചല് ഡേവിഡ്, ഇവാന്, അനില്, സാദീഖ്, കിച്ചു ടെല്ലസ്, ബേബി പാര്വ്വതി, ശ്രീജിത്ത് രവി, സുരേഷ് കൃഷ്ണ. അംബിക മോഹന്, അനിതാ നായര്, അജ്ഞലി നായര്, രഞ്ജി പണിക്കര് തുടങ്ങി വന് താരനിരയാണ് ചിത്രത്തില് ഉള്ളത്. ചിത്രത്തിന്റെ ടെയില് എന്ഡ് എഴുതിയത് രഞ്ജി പണിക്കരാണ്.