ബോളിവുഡ് താരങ്ങള്ക്കെതിരെ ദുരൂഹമായ ആരോപണങ്ങളുമായി നടി കങ്കണ. ദീര്ഘമായ ഇന്സ്റ്റഗ്രാം സ്റ്റോറിയിലൂടെയാണ് ഇവര് പേരുപറയാതെ ഒരു ബോളിവുഡ് താരദമ്പതികള്ക്കെതിരെ ഗുരുതരമായ ആരോപണം നടത്തിയിരിക്കുന്നത്.
ബോളിവുഡില് കാസനോവയായി അറിയപ്പെടുന്ന, ഇപ്പോള് സ്വജനപക്ഷപാത മാഫിയ സംഘത്തിന്റെ വൈസ് പ്രസിഡന്റുമായ താരം തന്നെ വിടാതെ പിന്തുടരുകയാണെന്നും സ്വന്തം വീട്ടില് വരെ ചാരപ്രവര്ത്തനം നടത്തുകയാണെന്നുമാണ് ആരോപണം.
‘എന്റെ വാട്ട്സ്ആപ്പ് വിവരങ്ങളും പ്രൊഫഷണല് ഡീലുകളും എന്തിനേറെ വ്യക്തിജീവിത വിവരങ്ങള് പോലും ചോര്ന്നതായി എനിക്ക് ഉറപ്പുണ്ട്. ഒരിക്കല് ക്ഷണിക്കപ്പെടാതെ എന്റെ വീട്ടുവാതില്ക്കല് വന്ന് എന്നെ (ശാരീരികബന്ധത്തിന്) നിര്ബന്ധിച്ച, സ്വജനപക്ഷപാത മാഫിയയുടെ കോമാളിവേഷം കെട്ടിയയാളാണ്. അറിയപ്പെടുന്ന സ്ത്രീലമ്പടനും കാസനോവയുമാണ്. ഇപ്പോള് സ്വജനപക്ഷപാത മാഫിയയുടെ വൈസ് പ്രസിഡന്റുമാണെന്നും കങ്കണ തുടരുന്നു.
നിര്മാതാവാകാനും കൂടുതല് സ്ത്രീ കേന്ദ്രീകൃത സിനിമകള് ചെയ്യാനും എന്നെപ്പോലെ വസ്ത്രം ധരിക്കാനും എന്നെപ്പോലെ വീടിന്റെ ഇന്റീരിയര് ചെയ്യാന് വരെ അയാള് ഇപ്പോള് ഭാര്യയെ നിര്ബന്ധിക്കുകയാണ്. എന്റെ സ്വന്തം സ്റ്റൈലിസ്റ്റുകളെ വിലക്കെടുത്തിരിക്കുക പോലും ചെയ്തിരിക്കുകയാണ്. വര്ഷങ്ങളായി എന്റെ സ്റ്റൈലിസ്റ്റായിരുന്നവര് ഇപ്പോള് എനിക്കൊപ്പം ജോലി ചെയ്യാന് കൂട്ടാക്കുന്നില്ല കങ്കണ പറഞ്ഞു.