ബോളിവുഡിലെ ‘വിവാഹനമോചന വിദഗ്ധനു’മായി നാഗചൈതന്യ അടുത്തിടപഴകിയതാണ് സാമന്ത നാഗചൈതന്യ വിവാഹബന്ധം വേര്പെടുത്താന് കാരണമെന്നായിരുന്നു ബോളിവുഡ് നടി കങ്കണ പറഞ്ഞത്.
‘ഈ സൗത്ത് ഇന്ത്യന് നടന് നാലുവര്ഷത്തെ വിവാഹബന്ധം ഉപേക്ഷിച്ച് പെട്ടെന്ന് വിവാഹമോചനം തേടി. ഒരു പതിറ്റാണ്ടായുള്ള അവരുടെ ബന്ധം അവസാനിപ്പിക്കാന് കാരണം സൂപ്പര് സ്റ്റാറായ, ‘േബാളിവുഡിലെ വിവാഹമോചന വിദഗ്ധനായ’ നടനുമായി പരിചയത്തിലായതാണ്. നിരവധി സ്ത്രീകളുടെയും കുട്ടികളുടെയും ജീവിതം നശിപ്പിച്ചു. ഇപ്പോള് അവന്റെ വഴികാട്ടിയും ഉപദേശകയായ അമ്മായിയുമായി. അതിനാല് എല്ലാം പെട്ടെന്ന് നടന്നു. ഞാന് ആരെക്കുറിച്ചാണ് സംസാരിക്കുന്നതെന്ന് എല്ലാവര്ക്കും അറിയാം. അതില് ഒളിച്ചുവയ്ക്കേണ്ട ഒന്നുമില്ലെന്നായിരുന്നു നടി കുറിച്ചത്. ഇപ്പോഴിതാ
സമാന്തയും നാഗ ചൈതന്യയും വിവാഹമോചിതരാകാന് കാരണം ആമിര് ഖാനാണെന്നാണ്് കങ്കണ പറയുന്നതെന്നാണ് ആരാധകരുടെ കണ്ടെത്തല്. എന്നാല് ആമിറിന്റെ പേരെടുത്ത് പറയാതെയായിരുന്നു നടിയുടെ പരാമര്ശം.
ആമിര് നായകനായെത്തുന്ന ലാല് സിങ്ങ് ചദ്ദയില് നാഗചൈതന്യയും പ്രധാന വേഷത്തില് എത്തിയിരുന്നു. മാത്രമല്ല നാഗ ചൈതന്യ നായകനായ ലവ് സ്റ്റോറിയുടെ വിജയാഘോഷത്തില് ആമിര് ഖാന് ആയിരുന്നു പ്രധാന അതിഥി. ആമിര് അടുത്തിടെ രണ്ടാം ഭാര്യയായ കിരണ് റാവുവില് നിന്ന് വിവാഹമോചനം നേടിയിരുന്നു.15 വര്ഷത്തെ ദാമ്പത്യത്തിനൊടുവിലാണ് ആമിറും കിരണും വേര്പിരിഞ്ഞത്.