മലയാളികൾക്ക് പ്രിയങ്കരനായ താരമാണ് കളിദാസ് ജയറാം. ഈയിടെയാണ് താരിണിയുമായുള്ള കാളിദാസിന്റെ വിവാഹനിശ്ചയം കഴിഞ്ഞത്. ഇപ്പോഴിതാ എങ്ങനെയാണ് താരിണിയുമായുള്ള ബന്ധം കുടുംബത്തിൽ അറിയച്ചത് എന്നതിനെ പറ്റി സംസാരിക്കുകയാണ് കാളിദാസ് ജയറാം.
മാളവിക ജയറാം ആണ് തങ്ങളുടെ പ്രണയം വീട്ടിൽ അറിയിച്ചത് എന്നാണ് കാളിദാസ് പറയുന്നത്. “വീട്ടില് ഞാന് പറയുന്നതിന് മുമ്പേ ചക്കി കണ്ടുപിടിച്ചു. അപ്പോള് തന്നെ വീട്ടിലേക്ക് ചോര്ത്തുകയും ചെയ്തു. ഞങ്ങള് സംസാരിച്ചു തുടങ്ങിയ കാലത്ത് ഞാന് ഉപയോഗിച്ചിരുന്നത് ചക്കിയുടെ കാറാണ്.
ബ്ലൂടൂത് കണ്ക്ടഡായിരുന്നു. കോള് വന്നപ്പോള് ഞങ്ങളുടെ സംസാരം ചക്കി കേട്ടു. പക്ഷെ ഒരു ഭാവഭേദവും കാണിച്ചില്ല. പിന്നീട് വിക്രം ഫസ്റ്റ് ഡേ ഫസ്റ്റ് ഷോ കാണാന് ഞങ്ങളുടെ രണ്ടാളുടേയും കുടുംബം ഒന്നിച്ചുണ്ടായിരുന്നു. പിറ്റേന്ന് എനിക്ക് ഒരാളെ ഇഷ്ടമാണെന്ന് ഞാന് പറഞ്ഞു. കുറച്ച് അത്ഭുതം പ്രതീക്ഷിച്ചിരുന്ന എന്നോട് അമ്മ ചോദിച്ചു, താരിണിയല്ലേ എന്ന്.
ഞാന് കണ്ടെത്തിയ ആളാണല്ലോ. വീട്ടിലെല്ലാവര്ക്കും സമ്മതം. താരിണിയുടെ വീട്ടില് പ്രണയം നേരത്തെ തന്നെ അറിഞ്ഞിരുന്നു. സിനിമയുമായി ബന്ധമുള്ള കുടുംബമാണ് അവരുടേത്. അച്ഛന് ഹരിഹര്രാജ് പഴയ നായകനടനാണ്. ഇപ്പോള് സിനിമയൊക്കെ വിട്ടു മസനഗുഡിയില് താമസം. അവരുടെ ബന്ധവുമാണ് നടന് സത്യരാജ്. അമ്മ ആരതി റിലയന്സ് ഗ്രൂപ്പില് ഉദ്യോഗസ്ഥയാണ്. അനിയത്തി ശിവാനി അഭിഭാഷക. താരിണിയ്ക്ക് സിനിമ ഏറെ ഇഷ്ടമാണെങ്കിലും അഭിനയത്തില് താല്പര്യമില്ല. അത്ര തിരക്ക് പറ്റില്ലെന്നാണ് പറയുന്നത്.” എന്നാണ് ഒരു യൂട്യൂബ് ചാനലിന് നൽകിയ അഭിമുഖത്തിൽ കാളിദാസ് പറയുന്നത്.