മലയാളികള്ക്ക് ഏറെ പ്രിയപ്പെട്ട നടനാണ് കലാഭവന് ഷാജോണ്. അദ്ദേഹത്തിന്റെ കരിയറിലെ തന്നെ മികച്ച കഥാപാത്രങ്ങളിലൊന്നാണ് ദൃശ്യത്തിലെ ക്രൂരനായ പൊലീസുകാരന് സഹദേവന്. ഇപ്പോഴിതാ കോണ്സ്റ്റബിള് സഹദേവനെക്കുറിച്ച് മനസ്സുതുറക്കുകയാണ് കലാഭവന് ഷാജോണ്. ബിഹൈന്ഡ് വുഡ്സിന് നല്കിയ അഭിമുഖത്തിലാണ് അദ്ദേഹം വെളിപ്പെടുത്തലുമായി എത്തിയത്. ദൃശ്യത്തിലെ കഥാപാത്രത്തിലൂടെയാണ് കൂടുതല് ജനശ്രദ്ധ ലഭിച്ചതെന്നും ഇതുവരെയുള്ള സിനിമാ ജീവിതത്തില് തനിക്ക് ഏറ്റവും ഇഷ്ടപ്പെട്ട കഥാപാത്രം സഹദേവനാണെന്നും താരം പറയുന്നു
ദൃശ്യത്തിലെ സഹദേവനെന്ന കഥാപാത്രം മറ്റാര് ചെയ്താലാണ് മനോഹരമാവുക എന്ന അവതാരകയുടെ ചോദ്യത്തിന് ചെമ്പന് വിനോദ് ചെയ്താല് നന്നാവും എന്നാണ് ഷാജോണ് പറയുന്നത്.
‘എനിക്ക് തോന്നുന്നു ചെമ്പന് ആ കഥാപാത്രം അതി ഗംഭീരമായി ചെയ്യാന് പറ്റും, എനിക്കുറപ്പാണ് ചെമ്പനത് ചെയ്യും. അതുപോലെ ജോജുവിനും നന്നായി ചെയ്യാന് പറ്റും,’ ഷാജോണ് പറയുന്നു.
എസ്.ജെ. സിനുവിന്റെ ‘തേര്’ സുരേഷ് പാലേരി സംവിധാനം ചെയ്യുന്ന ‘ആലത്തൂരിലെ ഇത്തിരി വെട്ടം’ വിഷ്ണു മോഹന്റെ ‘മേപ്പടിയാന്’ ജോണ് വെന്നേരിയുടെ സംവിധാനത്തിലൊരുങ്ങുന്ന ‘അനുഗ്രഹം; ദി ആര്ട്ട് ഓഫ് തേപ്പ്’ തുടങ്ങിയ ചിത്രങ്ങളാണ് ഇനി ഷാജോണിന്റേതായി പുറത്തു വരാനുള്ളത്.