തീയേറ്ററിൽ വമ്പൻ വിജയം സ്വന്തമാക്കിയ ജിസ് ജോയ്- ആസിഫ് അലി- ബിജു മേനോൻ ചിത്രം ‘തലവന്റെ’ രണ്ടാം ഭാഗം പ്രഖ്യാപിച്ച് അണിയറപ്രവർത്തകർ. മെയ് 24-ന് റിലീസ് ചെയ്ത ചിത്രത്തിന്റെ അറുപത്തിയഞ്ചാം വിജയാഘോഷത്തിന്റെ വേളയിലാണ് തലവൻ 2 പ്രഖ്യാപിച്ചിരിക്കുന്നത്.
സ്റ്റേഷൻ പരിധിയിൽ നടക്കുന്ന ഒരു കൊലപാതകവും തുടർന്ന് രണ്ട് പൊലീസ് ഉദ്യോഗസ്ഥർ തമ്മിൽ ഉടലെടുക്കുന്ന സംഘർഷങ്ങളുമാണ് ഇൻവെസ്റ്റിഗേറ്റീവ് ത്രില്ലർ ഴോണറിൽ ഇറങ്ങിയ തലവന്റെ പ്രമേയം. എന്തായാലും തലവൻ 2ന് വേണ്ടി പ്രതീക്ഷയോടെ കാത്തിരിക്കുകയാണ് പ്രേക്ഷകർ.
ശരത് പെരുമ്പാവൂർ, ആനന്ദ് തേവരക്കാട്ട് എന്നിവർ ചേർന്നാണ് ചിത്രത്തിന് തിരക്കഥയൊരുക്കിയിരിക്കുന്നത്. അനുശ്രീ, മിയ, ദിലീഷ് പോത്തൻ, കോട്ടയം നസീർ, ശങ്കർ രാമകൃഷ്ണൻ, ജോജി കെ. ജോൺ, ദിനേശ്, അനുരൂപ്, നന്ദൻ ഉണ്ണി, ബിലാസ് എന്നിവരാണ് തലവനിലെ മറ്റ് താരങ്ങൾ.
അരുൺ നാരായൺ പ്രൊഡക്ഷൻസിന്റെയും ലണ്ടൻ സ്റ്റുഡിയോസിന്റെയും ബാനറുകളിൽ അരുൺ നാരായൺ, സിജോ സെബാസ്റ്റ്യൻ എന്നിവർ ചേർന്നാണ് ചിത്രം നിർമ്മിച്ചത്.