നിരവധി സിനിമകളിലൂടെയും സീരിയലുകളിലൂടെയും മലയാളി പ്രേക്ഷകർക്ക് പ്രിയങ്കരിയായി മാറിയ നടിയാണ് ജീജ സുരേന്ദ്രൻ. തൻ്റെ സിനിമ അനുഭവങ്ങൾ പങ്കുവയ്ക്കുന്നതിനിടെ നടി മോഹൻലാലിനെക്കുറിച്ച് പറഞ്ഞ വാക്കുകളാണ് ശ്രദ്ധ നേടുന്നത്. മാസ്റ്റർ ബിൻ ചാനലിന് നൽകിയ അഭിമുഖത്തിടെയാണ് മോഹൻലാലിനെപ്പറ്റി ജീജ സംസാരിച്ചത്.
മോഹൻലാലിനെപ്പെലെ അസാധ്യനായ മറ്റൊരു നടനില്ല. അദ്ദേഹത്തിന് ചെയ്യാൻ പറ്റാത്ത കഥാപാത്രങ്ങളുമില്ല. ഏത് കഥാപാത്രം വേണമെങ്കിലും അദ്ദേഹം ചെയ്യും. ഉദ്ദാഹരണമായി ദീലിപ് ചെയ്ത കുഞ്ഞിക്കൂനൻ, ചന്ത്പൊട്ട് തുടങ്ങിയ ചിത്രങ്ങൾ ദീലിപിനല്ലാതെ മറ്റൊരാൾക്ക് ചെയ്യാൻ പറ്റുമെങ്കിൽ അത് മോഹൻലാലിന് മാത്രമാണെന്നും അവർ പറഞ്ഞു.
വളർന്ന് വരുന്ന ഒരഭിനേതാവിനും മോഹൻലാലിനെ പോലെയാകാൻ പറ്റില്ല. ഒരു പക്ഷേ അദ്ദേഹത്തിന്റെ മകന് അത് സാധ്യമാകുമായിരിക്കാം എന്നാലും അദ്ദേഹത്തിന് ഒപ്പമെത്താൻ പറ്റില്ലെന്നാണ് ജീജ പറയുന്നത്. അത്രയ്ക്ക് നല്ല അഭിനയവും പെരുമാറ്റവുമാണ് അദ്ദേഹത്തിൻ്റേത്.
അതുപോലെ സിനിമ മേഖലയിൽ ഏറ്റവും കൂടുതൽ സ്നേഹമുള്ള വ്യക്തി ജയസൂര്യയാണെന്നും അവർ പറഞ്ഞു. സ്വന്തം അമ്മയോട് കാണിക്കുന്ന അതേ സ്നേഹമാണ് തന്നോടും കാണിക്കുന്നത്. തങ്ങൾ ഇരുവരും ഒന്നിച്ചഭിനയിച്ച രണ്ട് സിനിമകളുടെ ലൊക്കേഷനിലും അദ്ദേഹം വരുമ്പോഴൊ ചേച്ചി എന്ന് വിളിച്ച് കെട്ടിപ്പിടിക്കും. നമ്മുക്കും ഒരു മകനോടുള്ള സ്നേഹമാണ് ജയസൂര്യയോട് തോന്നുകയെന്നും അവർ പറഞ്ഞു
