തമിഴ് സിനിമയില് തന്റേതായ സ്ഥാനമുള്ള സംവിധായകനാണ് ലോകേഷ് കനകരാജ്. കമല്ഹാസന് നായകനായ ‘വിക്രം’ എന്ന ചിത്രമാണ് ലോകേഷിന്റേതായി ഒടുവില് പുറത്തുവന്ന ചിത്രം. സിനിമയ്ക്കൊപ്പം സോഷ്യല് മീഡിയയിലും ലോകേഷ് സജീവമാണ്. ഇപ്പോള് ലോകേഷ് പറഞ്ഞ വാക്കുകളാണ് ആരാധകര്ക്കിടയില് ശ്രദ്ധ നേടുന്നത്.
ഇപ്പോഴിതാ സോഷ്യല്മീഡിയയില് നിന്ന് കുറച്ച് നാള് ബ്രേക്ക് എടുക്കുകയാണ് എന്നാണ് ലോകേഷ് പറഞ്ഞിരിക്കുന്നത്. പുതിയ ചിത്രത്തിന്റെ വിവരങ്ങള് പറയുവാനായി തിരികെ എത്താമെന്നും അദ്ദേഹം കൂട്ടിച്ചേര്ത്തു.
സോഷ്യല്മീഡിയയില് നിന്നും കുറച്ച് നാളത്തേക്ക് ഞാന് ബ്രേക്കെടുക്കുകയാണ്. അടുത്ത ചിത്രത്തിന്റെ വിവരങ്ങള് പങ്കുവെക്കാനായി ഞാന് എത്തും. അതുവരെ എല്ലാവരും നന്നായി ഇരിക്കൂ,’ ലോകേഷ് പറഞ്ഞു.
ലോകേഷ് സംവിധാനം ചെയ്ത ‘വിക്രം’ കഴിഞ്ഞ ദിവസമാണ് 400 കോടി ക്ലബ്ബില് കയറിയത്. ഒ.ടി.ടി റിലീസ് ചെയ്ത ശേഷവും ചിത്രത്തിന് മികച്ച പ്രതികരണമാണ് ആരാധകരില് നിന്നും ലഭിച്ചുകൊണ്ടിരിക്കുന്നത്. ഒ.ടി.ടി പ്ലാറ്റ്ഫോമായ ഡിസ്നി പ്ലസ് ഹോട്ട്സ്റ്റാറിലാണ് ചിത്രം സ്ട്രീം ചെയ്യുന്നത്. റെക്കോഡ് തുകക്കാണ് ഡിസ്നി ചിത്രം സ്വന്തമാക്കിയത്.