ദര്‍ശന രാജേന്ദ്രന്‍, പ്രണവ് മോഹന്‍ലാല്‍, കല്യാണി പ്രിയദര്‍ശന്‍ എന്നിവര്‍ കേന്ദ്ര കഥാപാത്രങ്ങളായി വിനീത് ശ്രീനിവാസന്‍ സംവിധാനം ചെയ്ത ഹൃദയം വലിയ പ്രേക്ഷകപ്രീതി തന്നെയാണ് നേടിയത്. തിയേറ്ററില്‍ വിജയമായി ചിത്രം മാറിയതിന്റെ ആഘോഷത്തിലാണ് അണിയറപ്രവര്‍ത്തകര്‍.
ഇതിനിടെ ചിത്രം തിയേറ്ററില്‍ പോയി കണ്ട ആളുകള്‍, സിനിമ തീര്‍ന്നു എന്ന് കരുതി ഇന്റര്‍വെല്‍ സമയത്ത് ഇറങ്ങിപ്പോയതിന്റെ രസകരമായ അനുഭവങ്ങള്‍ പങ്കുവെക്കുകയാണ് സംവിധായകന്‍ വിനീത് ശ്രീനിവാസനും മറ്റ് അണിയറപ്രവര്‍ത്തകരും.
ഇങ്ങനെ ഇറങ്ങിപ്പോയത് കാരണം പടം രണ്ട് തവണ ടിക്കറ്റെടുത്ത് പോയി കണ്ട ആള്‍ക്കാരുമുണ്ട്. ആളുകളെക്കൊണ്ട് രണ്ട് പ്രാവശ്യം ടിക്കറ്റെടുപ്പിക്കാനുള്ള വളരെ തന്ത്രപരമായ നമ്മുടെ ഒരു നീക്കമായിരുന്നു അത്,” സഹസംവിധായകര്‍ ചിരിച്ചുകൊണ്ട് പറഞ്ഞു.
‘ഇന്റര്‍വെല്‍ ആയപ്പൊഴേക്കും ‘നല്ലപടം’ എന്ന് പറഞ്ഞ് വടകരയിലെ ഒരു തിയേറ്ററില്‍ നിന്ന് ആളുകള്‍ ഇറങ്ങിപ്പോവുകയായിരുന്നു എന്ന് അറിഞ്ഞു. എന്നിട്ട് തിയേറ്ററിന്റെ ഗേറ്റ് വരെ എത്തിയിട്ട്, ഇത് ഇന്റര്‍വെല്‍ ആയിട്ടേ ഉള്ളൂ എന്ന് അറിഞ്ഞപ്പൊ അവര് തിരിച്ചുവന്ന് ബാക്കി കാണുകയായിരുന്നു,” സംവിധായകന്‍ വിനീത് പറഞ്ഞു.