തിയേറ്ററുകൾ തുറന്നിരുന്നെങ്കിൽ ദേശീയഗാനമെങ്കിലും കേട്ട് ഒരൊറ്റ ജനതയാണെന്ന മനസമാധാനത്തോടെ കിടന്നുറങ്ങുകയെങ്കിലും ചെയ്യാമായിരുന്നു: ഹരീഷ് പേരടി

കോവിഡ് കാലത്തെക്കുറിച്ച് ഫെയ്സ് ബുക്കിൽ പങ്കുവെച്ച് നടൻ ഹരീഷ് പേരടി.

നടന്റെ ഫെയ്സ് ബുക്ക് പോസ്റ്റ്

കോവിഡ് എന്ന രോഗമുണ്ട്…പക്ഷെ ഇതിപ്പോൾ പ്രേതമുണ്ട് എന്ന് പറയുന്നതു പോലെയായി…എല്ലാ മനുഷ്യരുടെ മുഖത്തും ഭയം മാത്രം…പണ്ട് മാനസിക രോഗങ്ങളൊക്കെ പ്രേത ബാധയായിരുന്നു…ഇപ്പോൾ ഏല്ലാ പനികളും കോവിഡാണ്…ശരീരത്തിന്റെ താപനില കൂടുതലാണെങ്കിൽ നിങ്ങൾ പൊതു സമൂഹത്തിൽ നിന്ന് മാറ്റി നിർത്തപ്പെടുന്ന എങ്ങോട്ടും യാത്ര ചെയാൻ പറ്റാത്ത, ആരുമായും ബന്ധപ്പെടാൻ പറ്റാത്ത ഒരാളായി മാറുന്നു…ഏല്ലാ കോവിഡ് രോഗികളുടെയും മരണങ്ങളുടെ ഉത്തരവാദിത്വം ഹാർട്ടറ്റാക്ക് പോലെയുള്ള പഴയ രോഗങ്ങളുടെ തലയിലും…ഈ അശാസ്ത്രീയതയെ നമ്മൾ ശാസ്ത്രത്തിന്റെ പേരിൽ ന്യായീകരിക്കുകയല്ലെ ചെയ്യുന്നത്…ശാസ്ത്രം വ്യക്തമായ ഉത്തരം നൽകുന്നതുവരെ ജീവിതം നിർത്തി വെക്കേണ്ടി വരുന്നത് ശാസ്ത്രത്തെ കളിയാക്കുന്നതു പോലെയല്ലെ?..ജാഗ്രതയുടെ പേരിൽ ഒരോ സംസ്ഥാനങ്ങളും ഒരോ രാജ്യങ്ങളായതുപോലെയാണ് അവസ്ഥ…അങ്ങോട്ടുമിങ്ങോട്ടും പോവാൻ നൂറായിരം നിയമങ്ങൾ ..വല്ലാത്ത ഒരു വിഭാഗിയത പോലെ …തിയ്യറ്ററുകൾ തുറന്നിരുന്നെങ്കിൽ ദേശീയ ഗാനമെങ്കിലും കേട്ട് ഒരൊറ്റ ജനതയാണെന്ന മനസമാധനത്തോടെ കിടന്നുറങ്ങുകയെങ്കിലും ചെയ്യാമായിരുന്നു…