ഹന്സികയുടെ വിവാഹം കഴിഞ്ഞതിന് പിന്നാലെ സുഹൃത്തിന്റെ ഭര്ത്താവിനെ തട്ടിയെടുത്തു എന്നൊരു ആരോപണം താരത്തിന് നേരെ ഉയര്ന്നിരുന്നു. ഹന്സികയുടെ അടുത്ത സുഹൃത്തായ റിങ്കി ആയിരുന്നു സൊഹൈല് കതൂരിയയുടെ ആദ്യ ഭാര്യ. ഈ വിവാഹത്തില് ഹന്സിക പങ്കെടുത്തിട്ടുമുണ്ട്.
സൊഹൈല് ആദ്യ ബന്ധം വേര്പ്പെടുത്താന് ഹന്സിക ആണെന്ന തരത്തിലുള്ള വാര്ത്തകളോട് പ്രതികരിച്ചിരിക്കുകയാണ് താരം ഇപ്പോള്. ഈ വാര്ത്ത അടിസ്ഥാനരഹിതമാണ് എന്നാണ് ഹന്സി പറയുന്നത്. ഇത് അടിസ്ഥാന രഹിതമാണ്. ആ സമയത്ത് തനിക്ക് അദ്ദേഹത്തെ അറിയാം എന്നതുകൊണ്ട് വേര്പിരിയലിന് കാരണം താനാകുന്നില്ല.
തനിക്ക് അതില് ഒന്നും ചെയ്യാനില്ല. താന് ഒരു പബ്ലിക് ഫിഗര് ആയതിനാല് വില്ലത്തിയായി തന്നെ ചൂണ്ടിക്കാണിക്കാന് എളുപ്പമാണ്. സെലിബ്രറ്റിയായതിന് താന് കൊടുക്കേണ്ടി വന്ന വിലയാണ് അതെന്നും ഹന്സിക പറയുന്നുണ്ട്. കഴിഞ്ഞ വര്ഷം ഡിസംബര് 4ന് ആയിരുന്നു ഹന്സികയും സൊഹൈലും വിവാഹിതരായത്.
ഹന്സികയുടെ വിവാഹ വീഡിയോ ഇപ്പോള് ഡിസ്നിപ്ലസ് ഹോട്ട്സ്റ്റാറില് സ്ട്രീം ചെയ്യുന്നുണ്ട്. ഫെബ്രുവരി 10ന് ആണ് വിവാഹ വീഡിയോയുടെ സ്ട്രീമിംഗ് ആരംഭിച്ചത്. അതേസമയം, സൊഹൈല് എന്ന പേര് തനിക്ക് പ്രശ്നമാണെന്നും ഹന്സിക പറയുന്നുണ്ട്.
സൊഹൈല് എന്നത് ചുരുക്കി വിളിക്കാന് സാധിക്കില്ല. ബേബ്സ് എന്നാണ് താന് വിളിക്കുന്നത്. തന്നെ ഹന്സു എന്ന് വിളിക്കും. ദേഷ്യം വരുമ്പോള് സൊഹൈല് എന്ന് മുഴുവന് പേരും താന് വിളിക്കും, അതുപോലെ സൊഹൈല് തന്നെ ഹന്സിക എന്നും വിളിക്കും എന്നാണ് താരം പറയുന്നത്.