സംവിധായിക ആകാനുള്ള ആഗ്രഹം പങ്കുവച്ച് നടി ഗായത്രി സുരേഷ്. ഹിറ്റ് ചിത്രങ്ങളായ ‘കല്യാണരാമന്’, ‘പാണ്ടിപ്പട’ എന്നീ സിനിമകളുടെ ഫീമെയില് വേര്ഷന് എടുക്കണമെന്ന ആഗ്രഹമാണ് ഗായത്രി പങ്കുവച്ചിരിക്കുന്നത്. കൂടാതെ നയന്താരയെ പോലൊരു നടിയാകണമെന്നും ഗായത്രി പറയുന്നുണ്ട്.
നയന്താരയെ പോലൊരു നടി ആകണം എന്നാണ് തന്റെ ആഗ്രഹം. തലൈവി എന്ന് ഒക്കെ പറയില്ലേ അതുപോലെ ഒരു നടി ആകണം. അതുപോലെ തന്നെ സിനിമ സംവിധാനം ചെയ്യണമെന്നും ആഗ്രഹമുണ്ട്. സിനിമ എടുക്കുമ്പോള് കല്യാണരാമന് ഒരു ഫീമെയില് വേര്ഷന് എടുക്കണം.
പലപ്പോഴും ഫീമെയില് ഓറിയന്റഡ് സിനിമയാണെങ്കില് അത് പെണ്ണ് സഫര് ചെയ്യുന്നതും മറ്റുമാണ്. എന്നാല് അതുപോലെ സീരിയസ് റോളുകള് അല്ലാതെ തനിക്ക് കല്യാണരാമന്, പാണ്ടിപ്പട അതു പോലെയുള്ള ഫീമെയില് വേര്ഷന് എടുക്കണം.
താന് പോസിറ്റീവിറ്റി മാത്രമേ സ്പ്രെഡ് ചെയ്യുകയുള്ളു എന്നാണ് ഗായത്രി ഒരു മാധ്യമത്തിന് നല്കിയ അഭിമുഖത്തില് പറയുന്നത്. അതേസമയം, ‘ഗാന്ധര്വ’ എന്ന തെലുങ്ക് ചിത്രത്തിലാണ് ഗായത്രി ഒടുവില് അഭിനയിച്ചത്. കുഞ്ചാക്കോ ബോബന് ചിത്രം ‘ജമ്നാപ്യാരി’യിലൂടെയാണ് ഗായത്രി സിനിമയിലേക്ക് എത്തിയത്.