നടന് ബിനീഷ് ബാസ്റ്റിനൊപ്പം അദ്ദേഹത്തിന്റെ അമ്മ ചിന്നമ്മ ബാസ്റ്റിനും സ്റ്റാര്മാജികിന്റെ പുതിയ എപ്പിസോഡിലെത്തിയിരുന്നു. ഇപ്പോഴിതാ ഇരുവരും ഒന്നിച്ചെത്തിയ ഈ പരിപാടി സോഷ്യല് മീഡിയയില് ചര്ച്ചയായി മാറിയിരിക്കുകയാണ്. വിശദമായി വായിക്കാം തുടര്ന്ന്.
ജീവിതത്തില് ഒരുപാട് കഷ്ടപ്പെട്ടിട്ടുണ്ട് തന്റെ അമ്മയെന്ന് ബിനീഷ് പറഞ്ഞു. അച്ഛന്റെ മരണ ശേഷം മക്കളെ നോക്കി വളര്ത്താന് ഒരുപാട് കഷ്ടപ്പെട്ടു. രാത്രി ഉറങ്ങാതെ കൂനി കൂനിയിരുന്ന് ബീഡി തെറുക്കുമായിരുന്നു അമ്മയെന്നും ഇത് കാരണം ഒടുവില് അമ്മയ്ക്ക് കൂനു വന്നു. ഇന്ന് പുതിയ വീടുണ്ടാക്കി, കാറുവാങ്ങി. നടന് പറഞ്ഞു.
”നമ്മുടെയൊക്കെ ജീവിതത്തില് ഇപ്പോഴാണ് ലോക്ക് ഡൗണും കാര്യങ്ങളും വന്നത്. അമ്മച്ചിയൊക്കെ ജീവിച്ചത് മുഴുവന് ലോക്ക് ഡൗണായിട്ടാണ്. അമ്മച്ചിയ്ക്ക് വലിയ വലിയ ആഗ്രഹങ്ങള് ഒന്നുമില്ല. പള്ളിയും വീടും അല്ലാതെ മറ്റൊന്നും അറിയില്ല. ഞാന് ഇപ്പോള് കൂട്ടി കൊണ്ടു പോകുന്ന സ്ഥലങ്ങള് മാത്രമാണ് അമ്മച്ചിയ്ക്ക് അറിയാവുന്നത്. അതുകൊണ്ട് ഇടയ്ക്ക് അമ്മച്ചിയെയും കാറിലിരുത്തി പുറത്ത് പോകും” എന്നാണ് താരം പറയുന്നത്.