മമ്മൂട്ടിയെ പ്രധാന കഥാപാത്രമാക്കി അമൽ നീരദ് ഒരുക്കിയ ചിത്രമാണ് ബിഗ് ബി. ചിത്രം വൻ വിജയമായതിന് പിന്നാലെ ബിലാൽ എന്ന പേരിൽ ചിത്രത്തിന്റെ രണ്ടാം ഭാഗം അണിയറയിൽ ഒരുങ്ങുകയാണ്. ദുൽഖറിന്റെ ഏറ്റവും പുതിയ ചിത്രമായ സീതാ രാമത്തിന്റെ പ്രെമോഷന്റെ ഭാഗമായി നടത്തിയ അഭിമുഖത്തിനിടെയാണ് അവതാരകൻ ബിലാലിൽ അച്ഛനോപ്പം മകനുമുണ്ടോ എന്ന ചോദ്യം ചോദിച്ചത്.
ബിലാൽ തന്നെയുള്ളോ എന്ന് എനിക്കറിയില്ല എന്നാണ് ദുൽഖർ മറുപടി നൽകിയത്. അവർ രണ്ടുപേരും തമ്മിലുള്ള കാര്യങ്ങളാണ് അതെല്ലാം. ബിലാലില് അഭിനയിക്കാന് തനിക്ക് താല്പര്യമുണ്ടെന്നും ഒരു റോൾ കിട്ടിയ കൊള്ളാം എന്നുണ്ടെന്നും അദ്ദേഹം പറഞ്ഞു. അബു ജോൺ കുരിശിങ്കലായി താൻ പൊളിച്ചെനേ എന്നും അദ്ദേഹം പറഞ്ഞു.
ബിലാലില് എവിടെയെങ്കിലും പിടിച്ചുകയറാന് താന് നോക്കുമെന്നും ദുല്ഖര് പറഞ്ഞു. തനിക്ക് അല്ലെങ്കില് ഫഹദ് ഫാസിലിന് ബിലാലില് അഭിനയിക്കാനുള്ള ഭാഗ്യം ഉണ്ടാകട്ടെ എന്നും ദുല്ഖര് കൂട്ടിച്ചേർത്തു. അമല് നീരദ് പ്രൊഡക്ഷന്സിനൊപ്പം ദുല്ഖര് സല്മാന്റെ വേഫറര് ഫിലിംസും ചേര്ന്നാണ് ബിലാല് നിര്മിക്കുന്നത്.
2023 റിലീസായാണ് ചിത്രം തിയറ്ററുകളിലെത്തുക. തുര്ക്കി, പോളണ്ട്, കൊല്ക്കത്ത, ഫോര്ട്ട് കൊച്ചി, മട്ടാഞ്ചേരി എന്നീ സ്ഥലങ്ങളാണ് ബിലാലിന്റെ പ്രധാന ലൊക്കേഷനുകൾ.