മലയാള സിനിമയില് പഞ്ച് ഡയലോഗുകള് പറയാന് അവകാശമുള്ളത് സൂപ്പര് സ്റ്റാറുകള്ക്ക് മാത്രമാണെന്ന് നടന് ദുല്ഖര് സല്മാന്. മറ്റ് ഭാഷകളെ അപേക്ഷിച്ച് മലയാള സിനിമകളില് പഞ്ച് ഡയലോഗുകള് കുറവാണ്. താനൊക്കെ അത്തരത്തിലുള്ള ഡയലോഗുകള് പറയാന് ഇനിയും കുറച്ച് കാലം കൂടി എടുക്കും എന്നാണ് ദുല്ഖര് പറയുന്നത്.
നമ്മുടെ മലയാള സിനിമകളില് പഞ്ച് ഡയലോകുകള് കുറവാണ്. നമ്മള് പഞ്ച് ഡയലോഗുകള് പറയാനുള്ള അര്ഹതയും അതിന്റെ റൈറ്റ് കൊടുത്തിരിക്കുന്നതെല്ലാം വലിയ സൂപ്പര്സ്റ്റാറുകള്ക്ക് മാത്രമാണ്. അപ്പോള് നമ്മളൊക്കെ അത് പറഞ്ഞു തുടങ്ങിയാല് എടാ നീ അതിന് അത്രക്കൊന്നും ആയിട്ടില്ല എന്ന് പറയുന്നത് കേള്ക്കേണ്ടി വരും.
ഞാനൊക്കെ അത് പിടിച്ചാല് ചിലപ്പോള് അങ്ങനെ ആയിക്കൊള്ളണം എന്നുമില്ല. അത്തരത്തിലുള്ള ഡയലോഗുകളെല്ലാം പറയാന് ഇനിയും കുറച്ച് കാലം കൂടി എടുക്കുമായിരിക്കും എന്നാണ് ദുല്ഖര് രേഖ മേനോന് നല്കിയ അഭിമുഖത്തില് പറയുന്നത്. അതേസമയം, ദുല്ഖറിന്റെ പുതിയ ചിത്രം ലക്കി ഭാസ്കര് ഒക്ടോബര് 31ന് തിയേറ്ററുകളിലെത്തും.
മീനാക്ഷി ചൗധരി ആണ് ചിത്രത്തില് നായികയായി എത്തുന്നത്. ദേശീയ അവാര്ഡ് ജേതാവായ സംഗീത സംവിധായകന് ജി വി പ്രകാശ് കുമാറാണ് ലക്കി ഭാസ്കറിന് സംഗീതം പകരുന്നത്. 100 കോടി ബജറ്റിലൊരുങ്ങുന്ന ‘ലക്കി ഭാസ്കര്’ 1980-1990 കാലഘട്ടത്തെ കഥയാണ് പറയുന്നത്.