വിനയന് ഒരുക്കുന്ന ഹൊറര് ത്രില്ലര് ആകാശഗംഗ 2 നവംബര് ഒന്നിന് തിയറ്ററുകളിലെത്തുകയാണ്. ശ്രീനാഥ് ഭാസി, വിഷ്ണു വിനയ്, വിഷ്ണു ഗോവിന്ദ്, സലിം കുമാര്, ഹരീഷ് കണാരന്, ധര്മ്മജന് ബോള്ഗാട്ടി തുടങ്ങിയവര് പ്രധാനവേഷത്തിലെത്തുന്ന ചിത്രത്തില് പുതുമുഖം ആതിരയാണ് നായിക.
ദിവ്യഉണ്ണി അഭിനയിച്ച മായത്തമ്പുരാട്ടി ഗര്ഭിണിയായി മാണിക്കശേരി കോവിലകത്ത് എത്തുന്നിടത്താണ് ആകാശഗംഗ അവസാനിക്കുന്നതെങ്കില് മായയുടെ മകള് ആതിരയുടെ കഥയാണ് ആകാശഗംഗ-2 പറയുന്നത്. എന്നാല് രണ്ടാം ഭാഗത്തില് ദിവ്യ ഉണ്ണി ഇല്ലെന്നുള്ളത് ശ്രദ്ധേയമാണ്. ഇപ്പോഴിതാ അതേക്കുറിച്ചുള്ള നടിയുടെ വാക്കുകള് ഇങ്ങനെ.
“എന്റെ ഹൃദയത്തോട് ചേര്ന്നു നില്ക്കുന്ന ചിത്രമാണ് ആകാശഗംഗ. എന്റെ കരിയറിലെ ഏറ്റവും വ്യത്യസ്തമായ കഥാപാത്രങ്ങളിലൊന്നായിരുന്നു ചിത്രത്തിലേത്. ആകാശഗംഗയുടെ രണ്ടാംഭാഗം പുറത്തിറങ്ങുമ്പോള് വലിയ ആകാംക്ഷയാണുള്ളത്. വിനയനങ്കിളിന്റെ ചിത്രമാകുമ്പോള് അത് പ്രേക്ഷകരെ നിരാശപ്പെടുത്തില്ല എന്ന കാര്യത്തില് തര്ക്കമില്ല. ആകാശഗംഗയുടെ രണ്ടാംഭാഗത്തില് അഭിനയിക്കാന് കഴിയാത്തതില് വിഷമമൊന്നുമില്ല. മറിച്ച് സന്തോഷം മാത്രമേയുള്ളൂ. ആദ്യഭാഗം ജനങ്ങള് ഏറ്റെടുത്തതു കൊണ്ടാണല്ലോ അതിന് രണ്ടാം ഭാഗമുണ്ടായത്. ആദ്യചിത്രത്തിന്റെ വിജയത്തില് നിര്ണായക പങ്കുവഹിക്കാന് സാധിച്ചതില് സന്തോഷമുണ്ട്. രണ്ടാം ഭാഗം ആദ്യ ഭാഗത്തേക്കാള് മികച്ചതാകാന് സര്വേശ്വരനോട് പ്രാര്ത്ഥിക്കുന്നു”.
മലയാളത്തിലും തമിഴിലുമാണ് ഈ ഹൊറര് ചിത്രം ഒരുക്കിയിരിക്കുന്നത്. പ്രകാശ് കുട്ടി ക്യാമറയും, ബിജിബാല് സംഗീതവും ഹരിനാരായണനും രമേശന് നായരും ചേര്ന്ന് ഗാനരചനയും നിര്വഹിച്ചിരിക്കുന്നു.
പുതുമുഖം ആരതിയാണ് നായിക. രമ്യാ കൃഷ്ണന്, ശ്രീനാഥ് ഭാസി, വിഷ്ണു വിനയ്, വിഷ്ണു ഗോവിന്ദ്, സലിം കുമാര്, ഹരീഷ് കണാരന്, ധര്മ്മജന് ബോള്ഗാട്ടി, രാജാമണി, ഹരീഷ് പേരടി, സുനില് സുഗത, ഇടവേള ബാബു, റിയാസ്, സാജു കൊടിയന്, നസീര് സംക്രാന്തി, രമ്യ കൃഷ്ണന്, പ്രവീണ, തെസ്നി ഖാന്, വത്സലാ മേനോന്, ശരണ്യ തുടങ്ങിയവരാണ് സിനിമയിലെ മറ്റു താരങ്ങള്.