വയനാട് ദുരിതാശ്വാസ നിധിയിലേക്ക് സംഭാവന ചെയ്യാനായി അമ്മയും പ്രൊഡ്യൂസേഴ്സ് അസോസിയേഷനും ചേര്ന്ന് നടത്തുന്ന മെഗാ ഷോയില് നടിയെ ആക്രമിച്ച കേസിൽ കുറ്റാരോപിതനായ ദിലീപ് പങ്കെടുക്കില്ലെന്ന് അമ്മ ജനറൽ സെക്രട്ടറി സിദ്ദിഖ്.
ദിലീപ് നിലവിൽ സംഘടനയിൽ അംഗമല്ലെന്നും, അദ്ധേഹം രാജിവെച്ചതാണെന്നും സിദ്ദിഖ് കൂട്ടിചേർത്തു. അതേസമയം ഓഗസ്റ്റ് 20ന് അങ്കമാലിയിൽ വെച്ചാണ് അമ്മയുടെ മെഗാ ഷോ.
കൊച്ചിയില് ഇന്ന് നടന്ന വാര്ത്താ സമ്മേളനത്തിലാണ് സിദ്ദിഖ് ഇക്കാര്യം പ്രഖ്യാപിച്ചത്. അതേസമയം വയനാട് ദുരന്തത്തിന്റെ പശ്ചാത്തലത്തിൽ ഔദ്യോഗിക സൈനിക വേഷത്തിലെത്തിയ മോഹൻലാലിനെ അധിക്ഷേപിച്ച് കുപ്രസിദ്ധ യൂട്യൂബർ ചെകുത്താനെതിരെ പരാതി നൽകിയതിനെ കുറിച്ചും സിദ്ദിഖ് സംസാരിച്ചു.
വ്യക്തി താത്പര്യത്തിന്റെ അടിസ്ഥാനത്തിലായിരുന്നില്ല അദ്ദേഹത്തിന്റെ സന്ദര്ശനം എന്നാണ് സിദ്ദിഖ് പറഞ്ഞത്. ഇതിനൊപ്പം ജസ്റ്റിസ് ഹേമാ കമ്മിറ്റി റിപ്പോര്ട്ട് പുറത്തുവിടാത്തതിനെ കുറിച്ചും താരം സംസാരിച്ചു. ഹേമ കമ്മിറ്റി റിപ്പോര്ട്ട് പുറത്തുവിടരുത് എന്നാവശ്യപ്പെട്ടുള്ള ഹര്ജിയില് അമ്മയ്ക്ക് പങ്കില്ല. അതില് അമ്മയ്ക്ക് പ്രത്യേക അഭിപ്രായമില്ല എന്ന് സിദ്ദിഖ് വ്യക്തമാക്കി.