‘സിഐഡി മൂസ’ സിനിമയുടെ രണ്ടാം ഭാഗം ചെയ്യാനായി താന് സംവിധായകന് ജോണി ആന്റണിയെ അന്വേഷിച്ച് നടക്കുകയാണെന്ന് നടന് ദിലീപ്. ജോണി ആന്റണിയുടെ സംവിധാനത്തില് ദിലീപ് നായകനായി 2003ല് പുറത്തിറങ്ങിയ സിനിമയാണ് സിഐഡി മൂസ. ഒരു ഷോയില് പങ്കെടുക്കവെയാണ് ദിലീപ് ഇതിനെ കുറിച്ച് സംസാരിച്ചത്.
ദിലീപിനൊപ്പം ജോണി ആന്റണിയും നിത്യ ദാസും പരിപാടിയില് പങ്കെടുത്തിരുന്നു. ഈ പരിപാടിയിലേക്ക് തന്നെ ആകര്ഷിച്ചത് നിത്യയും ജോണി ആന്റണിയും ഭാഗമാകുന്നു എന്നതാണ് എന്നാണ് ദിലീപ് പറയുന്നത്. ഇവരെയൊന്നും നേരിട്ട് അങ്ങനെ കാണാന് കിട്ടില്ല.
ഇവരെ കിട്ടണമെങ്കില് തന്നെ നല്ല കാശും കൊടുക്കണം. സിഐഡി മൂസ രണ്ടാം ഭാഗം ചെയ്യണമെന്നത് വലിയ ആഗ്രഹമാണ്. അതിന് വേണ്ടി കുറെ നാളുകളായി ജോണിയുള്ള സ്ഥലം താന് അന്വേഷിച്ച് നടക്കുകയാണ്. നിത്യയെ ആദ്യം കണ്ടപ്പോള് താന് നിത്യയുടെ മകളാണ് വന്നിരിക്കുന്നത് എന്നാണ് കരുതിയത്.
കാരണം നിത്യയും മകളും തമ്മില് ഒരു മത്സരം നടക്കുന്നുണ്ട് ആരാ മോള്… ആരാ അമ്മ എന്നതില് എന്നാണ് ദിലീപ് നര്മ്മത്തോടെ പറയുന്നത്. അതേസമയം, ‘വോയിസ് ഓഫ് സത്യനാഥന്’ എന്ന സിനിമയാണ് ദിലീപിന്റെതായി ഒരുങ്ങുന്നത്. റാഫി സംവിധാനം ചെയ്യുന്ന ചിത്രമാണ് വോയിസ് ഓഫ് സത്യനാഥന്.