പെണ്ണ് പിടിയന് എന്ന അധിക്ഷേപ കമന്റിനോട് പ്രതികരിച്ച് സംഗീത സംവിധായകന് ഗോപി സുന്ദര്. പെണ്ണുങ്ങളെ ബഹുമാനിക്കാന് പഠിക്കൂ എന്ന് പറഞ്ഞു കൊണ്ടാണ് ഗോപി സുന്ദറിന്റെ മറുപടി. മോശമായ കമന്റിന്റെയും മറുപടിയുടെയും സ്ക്രീന് ഷോട്ട് ഗോപി സുന്ദര് ഫെയ്സ്ബുക്കില് പങ്കുവച്ചിട്ടുണ്ട്. ഈ പോസ്റ്റിന് താഴെ എത്തിയ കമന്റുകളോടും ഗോപി പ്രതികരിച്ചിട്ടുണ്ട്.
മണിക്കുട്ടന് മണികണ്ഠന് എന്ന അക്കൗണ്ടില് നിന്നുമാണ് കമന്റ് വന്നത്. ഗോപി സുന്ദറിന്റെ മറുപടി ഇങ്ങനെയാണ്, ”നിനക്ക് പിടിക്കാന് മാത്രമേ അറിയൂ എന്ന് മനസിലായി. പെണ്ണുങ്ങളെ റെസ്പെക്ട് ചെയ്യാന് പഠിക്കൂ. പിന്നെ ഈ പെണ്ണുങ്ങള് മണി മണ്ടന് വിചാരിക്കുന്നത് പോലെ പിടിക്കാനോ വളക്കാനോ ഓടിക്കാനോ കഴിയുന്ന വസ്തു അല്ല.”
”ജീവനുള്ള ഒരു മനുഷ്യന് ജന്മം നല്കാന് കഴിവുള്ള ആ പുണ്യ ജന്മത്തെ നിനക്ക് ഒരു പിടിയായി മാത്രം കാണാന് കഴിയുന്നതില് എനിക്ക് അത്ഭുതമില്ല എന്റെ മണി മണ്ടാ”. മണിമണ്ടന്മാരെ ഇതിലേ, ഇതാണ് നിങ്ങള്ക്കുള്ള സ്ഥലം എന്ന ക്യാപ്ഷനോടെയാണ് പോസ്റ്റ് പങ്കുവച്ചിരിക്കുന്നത്.
അതേസമയം, സുഹൃത്തുക്കള്ക്കൊപ്പം ഗോപി സുന്ദര് പങ്കുവയ്ക്കുന്ന ചിത്രങ്ങള്ക്ക് നേരെ എപ്പോഴും സൈബര് ആക്രമണങ്ങള് ഉണ്ടാവറുണ്ട്. അടുത്തിടെ മോഡല് ഷിനു പ്രേമിനൊപ്പമുള്ള ഗോപി സുന്ദറിന്റെ ചിത്രമായിരുന്നു അടുത്തിടെ സൈബര് ആക്രമണം നേരിട്ടത്. പിന്നാലെ വളര്ത്തു നായക്കൊപ്പമുള്ള ചിത്രം ഗോപി സുന്ദര് പങ്കുവച്ചിരുന്നു.