മെഗാ സ്റ്റാര് മമ്മൂട്ടിയുടെ സിബിഐ 5 എന്ന ചിത്രത്തിനായി ആകാംക്ഷയോടെ കാത്തിരിക്കുകയാണ് ആരാധകര്. എസ് എന് സ്വാമി രചിച്ചു. കെ മധു ഒരുക്കുന്ന ഈ ചിത്രത്തിന് സംഗീതം ഒരുക്കുന്നത് യുവ തലമുറയിലെ പ്രശസ്തനായ ജേക്സ് ബിജോയ് ആണ്. സിബിഐ അഞ്ചാം ഭാഗത്തിലെ തീം മ്യൂസികില് മാറ്റങ്ങള് വല്ലതും പ്രതീക്ഷിക്കാമോ എന്ന സോഷ്യല് മീഡിയയിലുയര്ന്ന ചോദ്യത്തിന് ഇപ്പോള് ഉത്തരം നല്കുകയാണ് ജേക്സ്്.
ആ തീം മ്യൂസിക് ഒരുപാട് പുതുക്കാന് താന് ശ്രമിച്ചിട്ടില്ല എന്നും അങ്ങനെ ചെയ്തു പ്രേക്ഷകരുടെ പൊങ്കാല ഏറ്റു വാങ്ങാന് താല്പര്യം ഇല്ല എന്നും അദ്ദേഹം പറയുന്നു. അതിനെ അതിന്റെ ഏറ്റവും നല്ല രീതിയില് അവതരിപ്പിക്കാന് മാത്രമാണ് ശ്രമിക്കുന്നത് എന്നും ജേക്സ് പറയുന്നു.
തനിക്കു വളരെ ഇഷ്ടമുള്ള ഒരു തീം ആണ് അതെന്നും അത് ചെയ്യാന് സാധിച്ചത് തന്നെ വലിയ ഭാഗ്യം ആണെന്നും അദ്ദേഹം കൂട്ടിച്ചേര്ത്തു. ചിത്രത്തിന്റെ കഥയും കാര്യങ്ങളും ഒന്നും സ്വാമി സര് തന്നോട് പറഞ്ഞിട്ടില്ല എന്നും ജേക്സ് ബിജോയ് വെളിപ്പെടുത്തി.
മമ്മൂട്ടിക്കൊപ്പം രണ്ജി പണിക്കര്, സായ്കുമാര്, രമേഷ് പിഷാരടി, ആശാശരത്ത്, മുകേഷ് എന്നിവരാണ് ഇതിലെ പ്രധാന കഥാപാത്രങ്ങള്ക്കു ജീവന് പകരുന്നത്. ഇവരെ കൂടാതെ സൗബിന് ഷാഹിര്, ലിജോ ജോസ് പെല്ലിശ്ശേരി, ദിലീഷ് പോത്തന് എന്നിവരും ഈ ചിത്രത്തിന്റെ താരനിരയില് ഉണ്ടാകും.