ഉണ്ണി മുകുന്ദനെ നായകനാക്കി വൈശാഖ് സംവിധാനം ചെയ്യുന്ന ചിത്രമാണ് ‘ബ്രൂസ് ലീ’. മാസ് എന്റര്ടെയ്നര് വിഭാഗത്തിലുള്ള സിനിമയുടെ ഫസ്റ്റ് ലുക്ക് പോസ്റ്റര് വൈറലായിരുന്നു. ഇപ്പോഴിതാ ഈ ചിത്രം ഉപേക്ഷിച്ചതായുള്ള അഭ്യൂഹങ്ങളാണ് വരുന്നത്. ഉദയകൃഷ്ണ തിരക്കഥ ഒരുക്കിയ ചിത്രം ഉപേക്ഷിച്ചതായി ഓണ്ലൈന് മാധ്യമമായ സിനിമ ഡാഡി റിപ്പോര്ട്ട് ചെയ്യുന്നു.
സിനിമ ഉപേക്ഷിക്കാനുള്ള കാരണം വ്യക്തമല്ല. ‘മല്ലു സിംഗ്’ ആയിരുന്നു വൈശാഖ്- ഉണ്ണി മുകുന്ദന് കൂട്ടുകെട്ടില് റിലീസ് ചെയ്ത മുന് ചിത്രം. 2012-ല് പുറത്തിറങ്ങിയ ചിത്രം ഉണ്ണി മുകുന്ദന്റെ കരിയറിലെ തന്നെ ഏറ്റവും വലിയ വിജയങ്ങളില് ഒന്നാണ്.
കുഞ്ചാക്കോ ബോബന്, സംവൃത സുനില്, ബിജു മേനോന്, മനോജ് കെ ജയന്, സുരാജ് വെഞ്ഞാറമൂട് തുടങ്ങിയ ഒരു വന് താരനിര തന്നെ സിനിമയുടെ ഭാഗമായിരുന്നു. നിലവില് ‘ഖലീഫ’ എന്ന സിനിമയാണ് വൈശാഖിന്റെതായി പ്രഖ്യാപിക്കപ്പെട്ടിരിക്കുന്നത്. പൃഥ്വിരാജ് നായകനാകുന്ന സിനിമയുടെ ചിത്രീകരണം 2023ന്റെ പകുതിയോടെയാണ് ആരംഭിക്കുക.
ജിനു എബ്രഹാം ഇന്നോവേഷന്, യൂട്ട്ലി ഫിലിംസ്, സരിഗമ എന്നിവയുടെ ബാനറില് ജിനു എബ്രഹാം, ഡോള്വിന് കുര്യാക്കോസ്, സൂരജ് കുമാര് എന്നിവര് ചേര്ന്നാണ് ചിത്രം നിര്മിക്കുന്നത്.