നീണ്ട ഇടവേളയ്ക്ക് ശേഷമാണ് ആക്ഷൻ ചിത്രങ്ങളിലൂടെ ഷാജി കെെലാസ് സിനിമയിലേക്ക് തിരിച്ചെത്തിയത്. ഷാജി കെെലാസിനൊപ്പമുള്ള സിനിമ അനുഭവം പങ്കുവെച്ച് നടൻ ബിജു പപ്പൻ പറഞ്ഞ വാക്കുകളാണ് ശ്രദ്ധ നേടുന്നത്. മാസ്റ്റർ ബിൻ ചാനലിന് നൽകിയ അഭിമുഖത്തിനിടെയാണ് അദ്ദേഹം ഇക്കാര്യത്തെക്കുറിച്ച് സംസാരിച്ചത്.
ഷാജി കെെലാസിനൊപ്പമുള്ള ഷൂട്ടിങ്ങ് ഒരു പ്രത്യേക അനുഭവമാണ്. എപ്പോഴും പോസീറ്റിവ് വെെബോടുകൂടി മാത്രം സംസാരിക്കുന്ന ചുരുക്കം ചില സംവിധായകരിൽ ഒരാൾ. സംവിധാനത്തിനൊപ്പം ക്യാമറയും അദ്ദേഹത്തിനറിയാം അതുകൊണ്ട് തന്നെ അദ്ദേഹത്തിനൊപ്പം നന്നായി അറിയുന്ന ക്യാമറമാൻമാർ മാത്രമേ വർക്ക് ചെയ്യൂ എന്നും അദ്ദേഹം പറഞ്ഞു.
അഭിനേതാക്കളോടായാലും വളരെ നന്നായാണ് അദ്ദേഹം പെരുമാറുന്നത്. ആദ്യം കാണുമ്പോഴുള്ള സ്നേഹം ഇന്നും അദ്ദേഹത്തിനുണ്ട്. ഓരോ സീൻ ഷൂട്ട് ചെയ്യുമ്പോഴും പറഞ്ഞ് തരും എവിടെ, എങ്ങനെ നിൽക്കണമെന്നുള്ളത്.
അത് തെറ്റിച്ചാൽ അദ്ദേഹം ദേഷ്യപ്പെടും വേണ്ടെങ്കിൽ കളഞ്ഞിട്ട് പോകാൻ വരെ പറഞ്ഞ സന്ദർഭങ്ങളുണ്ട്. പക്ഷേ അദ്ദേഹം അത് പറയുന്നതിന് കൃത്യമായ കാരണമുണ്ട്. അവസാനം സിനിമ കാണുമ്പോഴേ നമ്മുക്ക് അത് മനസ്സിലാകൂ എന്നും അദ്ദേഹം പറഞ്ഞു