ജോജുവിനെ പ്രശംസിച്ച് സംവിധായകന് ഭദ്രന്. മധുരം എന്ന സിനിമയിലെ അഭിനയത്തിനാണ് പ്രശംസ. ജോജു തന്റെ കണ്ണുകളും മുഖവും ശബ്ദവും ഗംഭീരമായി ഈ സിനിമയില് ഉപയോഗിച്ചിരിക്കുന്നുവെന്ന് ഭദ്രന് പറഞ്ഞു. അര്ഥവത്തായ തിരക്കഥയാണ് ചിത്രത്തിന്റേതെന്നും അദ്ദേഹം കൂട്ടിച്ചേര്ത്തു.
ഭദ്രന്റെ വാക്കുകള്:
ഇന്നലെ രാത്രി കാനഡയിലെ എന്റെ ഒരു സുഹൃത്ത് വിളിച്ച് ‘ മധുരം ‘ സിനിമ കണ്ടിരുന്നോ? കുറേ കാലങ്ങള്ക്ക് ശേഷം മലയാളത്തില് സ്വാഭാവികതയുള്ള ഒരു നല്ല ചിത്രം കണ്ടു, അതിന്റെ സന്തോഷത്തിലാണ് ഞാന് എന്ന് പറഞ്ഞു.
ജോജു ജോര്ജിന്റെ പടമല്ലേ എന്ന് കരുതി ഇന്ന് എന്റെ വീട്ടിലെ തിയറ്ററില് കണ്ട് ഇറങ്ങിയപ്പോള് എനിക്കും എന്റെ ഭാര്യയ്ക്കും ഇരട്ടി മധുരം നാവില് തൊട്ട സ്വാദ് പോലെ തോന്നി. ഒരാശുപത്രിയിലെ ബൈസ്റ്റാന്ഡേഴ്സിന്റെ പിറകില് സ്വരുക്കൂട്ടിയെടുത്ത അര്ത്ഥവത്തായ ഒരു തിരക്കഥ. അവിടെ വരുന്നവരുടെ പ്രിയപ്പെട്ടവരെ ചൊല്ലിയുള്ള അങ്കലാപ്പുകളും കിനാവുകളും പ്രതീക്ഷകളും ഒക്കെ കൂട്ടി കൂട്ടി ഒരു നൂറു മാര്ക്കിന്റെ സിനിമ
അഹമ്മദ് അഭിനന്ദനങ്ങള്. മേലിലും നിങ്ങളുടെ സിനിമകള്ക്ക് ഈ മധുരം ഉണ്ടാവട്ടെ. ജോജൂ… തന്റെ കണ്ണുകളും മുഖവും ശബ്ദവും ഗംഭീരമായി ഈ സിനിമയില് ഉപയോഗിച്ചിരിക്കുന്നു. കുശിനിയിലെ മുട്ടിതടിയ്ക്ക് പിറകില് നിന്ന് ഒരു മൊഴി പോലുമില്ലാതെ ചിത്രയോട് കാണിച്ച പ്രണയഭാവങ്ങള് ഒരു രക്ഷയുമില്ല.ഇനിയും എടുത്ത് എടുത്ത് പറയേണ്ട സന്ദര്ഭങ്ങള് നേരില് കാണുമ്പോള് പറയാം…