പുതിയ മന്ത്രിസഭയിൽ ശൈലജ ടീച്ചർ ഇല്ലാത്തത് കുറവായി കാണുന്നില്ലെന്ന് സംവിധായകൻ അരുൺ ഗോപി. മാറ്റങ്ങൾ അനിവാര്യമാണെന്നും മന്ത്രി പദവി അല്ല ജനസേവനത്തിന്റെ അവസാന വാക്കെന്നും അദ്ദേഹം പറയുന്നു.
‘പുതിയ മന്ത്രിസഭയ്ക്ക് അഭിനന്ദനങ്ങൾ. ടീച്ചർ ഇല്ലാത്തത് ഒരു കുറവായി കാണുന്നില്ല!! അതിലും മികച്ച മന്ത്രിമാർ ഈ സഭയിലുണ്ടാകും ഉറപ്പ്!!, അവർക്ക് നല്കുന്ന അവസരങ്ങൾക്കു നിറഞ്ഞ കൈയടി. മാറ്റങ്ങൾ അനിവാര്യമാണ്. മന്ത്രി പദവി അല്ലല്ലോ ജനസേവനത്തിന്റെ അവസാന വാക്ക്. അത് നന്നായി അറിയുന്ന ഒരാൾ തന്നെയാണ് ടീച്ചർ.’–അരുൺ ഗോപി പറഞ്ഞു.
കെ.കെ ശൈലജയെ മന്ത്രിസഭയിൽ നിന്നും ഒഴിവാക്കിയതിൽ വലിയ പ്രതിഷേധവുമായി സിനിമാതാരങ്ങൾ അടക്കമുള്ളവർ രംഗത്തെത്തിയിരുന്നുന്നു.