ജിത്തു മാധവന് സംവിധാനം ചെയ്ത ‘രോമാഞ്ചം’ സിനിമയിലെ ഗാനങ്ങളും രംഗങ്ങളുമെല്ലാം ഏറെ ശ്രദ്ധേയമാണ്. ആ കൂട്ടത്തില് വൈറലായ ഒന്നാണ് അര്ജുന് അശോകന് അവതരിപ്പിക്കുന്ന സിനുവിന്റെ മാനറിസങ്ങള്. ഇപ്പോഴിതാ കഥാപാത്രത്തെക്കുറിച്ച് സംസാരിക്കുകയാണ് അര്ജുന്.
രോമാഞ്ചത്തിലെ ഓരോ രംഗത്തെക്കുറിച്ചും സംവിധായകന് വ്യക്തമായ ധാരണയുണ്ടായിരുന്നു. അദ്ദേഹത്തില് നിന്ന് തനിക്ക് സിനുവിനെക്കുറിച്ച് കൃത്യമായ നിര്ദേശങ്ങളും ലഭിച്ചിരുന്നു എന്നും അര്ജുന് അശോകന് പറഞ്ഞു. മാതൃഭൂമിയുമായുള്ള അഭിമുഖത്തില് സംസാരിക്കുകയായിരുന്നു നടന്.
സിനുവിന്റെ പ്രശ്നം കാണുമ്പോഴെല്ലാം തലയാട്ടും എന്നതാണ്. കഥാപാത്രത്തെ രൂപപ്പെടുത്തുമ്പോള് തന്നെ അണിയറപ്രവര്ത്തകര് അയാളുടെ മാനറിസങ്ങളും ഒരുക്കിയിരുന്നു എന്ന് അര്ജുന് അശോകന് പറഞ്ഞു.മുന്പ് ചെയ്ത കഥാപാത്രങ്ങള്ക്കൊന്നും ലഭിക്കാത്ത സ്വീകാര്യത സിനുവിന് കിട്ടുകയും ചെയ്തുവെന്ന് നടന് അഭിപ്രായപ്പെട്ടു.
രോമാഞ്ചം കൂടാതെ ‘പ്രണയവിലാസം’ എന്ന സിനിമയും അര്ജുന്റേതായി കഴിഞ്ഞ മാസം റിലീസ് ചെയ്തു. വ്യത്യസ്തമായ ഒരു പ്രണയകഥ പറയുന്ന ചിത്രത്തില് അനശ്വര രാജനും മമിത ബൈജുവും പ്രധാന കഥാപാത്രങ്ങളാകുന്നുണ്ട്. രാജീവ് രവി-നിവിന് പോളി ചിത്രം ‘തുറമുഖ’ത്തിലും അര്ജുന് ഒരു കഥാപാത്രത്തെ അവതരിപ്പിക്കുന്നുണ്ട്. ഈ ചിത്രം മാര്ച്ച് 10-ന് റിലീസിന് ഒരുങ്ങുകയാണ്.