തൃശൂര് പൂരം കാണാനെത്തി നടി അപര്ണ ബാലമുരളിയും. കുടുംബസമേതമാണ് താരം പൂരം കാണാന് എത്തിയിരിക്കുന്നത്. ശിവസുന്ദരത്തെയും അടിയാട്ട് അയ്യപ്പനെയും കാണുന്നത് വലിയ സന്തോഷവും അഭിമാനവുമായിരുന്നു, അവരെ നന്നായി മിസ് ചെയ്യുന്നുണ്ട് എന്നാണ് അപര്ണ പറയുന്നത്.
”ശിവസുന്ദരത്തെയും അടിയാട്ട് അയ്യപ്പനെയും കാണുന്നത് വലിയ സന്തോഷവും അഭിമാനവുമായിരുന്നു. നന്നായി മിസ്സ് ചെയ്യുന്നുണ്ട്. തൃശൂര് പൂരം മുത്തശ്ശന്റെയും അമ്മാവന്റെയും കൂടെ ആഘോഷിക്കാറാണ് പതിവ്. പൂരത്തിന്റെ അന്നൊരിക്കലും മഴ പെയ്യില്ല എന്നുള്ളത് ഒരു അനുഗ്രഹമാണ്.”
”പറയെടുപ്പിന് മാത്രമേ ഇത്തവണ നില്ക്കാന് പറ്റൂ. തെച്ചിക്കോട്ട് രാമചന്ദ്രനെ കാണണമെന്ന് ആഗ്രഹമുണ്ട്” എന്നാണ് അപര്ണ ബാലമുരളി പറയുന്നത്. അതേസമയം, കണിമംഗലം ശാസ്താവ് വടക്കുംനാഥ ക്ഷേത്രത്തിലേക്ക് എഴുന്നള്ളിയെത്തിയതോടെ തൃശ്ശൂര് പൂരത്തിനാരംഭം കുറിച്ചു. പിന്നാലെ ഘടകപൂരങ്ങളും എത്തി.
പാറമ്മേക്കാവ് ഭഗവതി 12 മണിക്ക് വടക്കുംനാഥ ക്ഷേത്രത്തിലേക്ക് ഇറങ്ങി. 2.10ന് ആണ് പ്രശസ്തമായ ഇലഞ്ഞിത്തറ മേളം ആരംഭിക്കുക. പൂരത്തിന്റെ പ്രധാന ആകര്ഷണമായ മഠത്തില് വരവ് പഞ്ചവാദ്യം ആരംഭിച്ചു. തിരുവമ്പാടി ഭഗവതി ബ്രഹ്മസ്വം മടത്തിലേക്ക് എത്തുന്നതിന്റെ മുന്നോടിയായാണ് പഞ്ചവാദ്യം തുടങ്ങുന്നത്.
നെയ്തലക്കാവ് ഭഗവതിയെ തിടമ്പേറ്റി തെച്ചിക്കോട്ട് രാമചന്ദ്രന് പൂര നഗരിയില് എത്തിയിരുന്നു. തെച്ചിക്കോട്ട് രാമചന്ദ്രനെ കാണാനായി ജനസാഗരമാണ് വഴിനീളെ കാത്തുനിന്നത്. തേക്കിന്ക്കാട് മൈതാനം പൂര പ്രേമികളെ കൊണ്ട് നിറഞ്ഞു കഴിഞ്ഞു.