നടന്‍ പ്രഭാസിന്റെ പേരിനൊപ്പം എന്നും ഗോസിപ്പ് കോളങ്ങളില്‍ നിറയാറുള്ള പേരാണ് അനുഷ്‌ക ഷെട്ടിയോട്. എന്നാല്‍ തങ്ങള്‍ അടുത്ത സുഹൃത്തുക്കളാണെന്ന് ഇരുവരും വ്യക്തമാക്കിയിട്ടുണ്ട്. എന്നാല്‍ തനിക്ക് പ്രണയം തോന്നിയിട്ടുള്ളത് പ്രഭാസിനോട് അല്ല മറ്റൊരാളോടാണ് എന്ന് തുറന്നു പറഞ്ഞിരിക്കുകയാണ് അനുഷ്‌ക ഷെട്ടി.
മുന്‍ ഇന്ത്യന്‍ ക്രിക്കറ്റ് താരവും ഇപ്പോള്‍ ഇന്ത്യന്‍ ടീമിന്റെ പരിശീലകനുമായിട്ടുള്ള രാഹുല്‍ ദ്രാവിഡിനോട് തനിക്ക് പ്രണയം തോന്നിയിരുന്നു എന്നാണ് അനുഷ്‌ക പറയുന്നത്. ഏറ്റവും ഇഷ്ടപ്പെട്ട ക്രിക്കറ്റ് താരം ആരെന്ന ഒരാരാധകന്റെ ചോദ്യത്തിന് മറുപടിയായാണ് അനുഷ്‌ക ഇക്കാര്യം പറഞ്ഞത്.
രാഹുല്‍ ദ്രാവിഡ് ആണ് എന്റെ എക്കാലത്തേയും പ്രിയപ്പെട്ട ക്രിക്കറ്റര്‍. ക്രഷ് എന്ന രീതിയിലായിരുന്നു ആദ്യം. ഒരു പ്രത്യേക ഘട്ടത്തില്‍ അത് പ്രണയമായി മാറി എന്നാണ് അനുഷ്‌ക പറയുന്നത്. അനുഷ്‌കയുടെ മറുപടി സോഷ്യല്‍ മീഡിയ ഏറ്റെടുത്തിരിക്കുകയാണ്.
അതേസമയം ഇടക്കാലത്ത് സിനിമയില്‍ നിന്നും വിട്ടു നിന്ന അനുഷ്‌ക പുതിയ ചിത്രങ്ങളുമായി വമ്പന്‍ തിരിച്ചു വരവിന് ഒരുങ്ങുകയാണ് അനുഷ്‌ക. യുവി ക്രിയേഷന്‍സ് നിര്‍മിക്കുന്ന പുതിയ ചിത്രത്തില്‍ മുഖ്യകഥാപാത്രത്തെ അവതരിപ്പിക്കുന്നത് അനുഷ്‌കയാണ്.
അന്‍വിത റവാലി ഷെട്ടി എന്ന ഷെഫ് ആയാണ് ഇനിയും പേരിട്ടിട്ടില്ലാത്ത ചിത്രത്തില്‍ അനുഷ്‌ക എത്തുന്നത്. നവീന്‍ പോളി ഷെട്ടിയാണ് ചിത്രത്തിലെ നായകന്‍. 2020-ല്‍ മാധവന്‍ നായകനായെത്തിയ നിശ്ശബ്ദം ആണ് അനുഷ്‌കയുടേതായി ഒടുവില്‍ തിയേറ്ററുകളിലെത്തിയ ചിത്രം.