ജി. പ്രജിത്തിന്റെ സംവിധാനത്തില് ബിജു മേനോനും സംവൃത സുനിലും പ്രധാന വേഷങ്ങളിലെത്തിയ ചിത്രം സത്യം പറഞ്ഞാ വിശ്വസിക്കുവോ തിയേറ്ററുകളില് മികച്ച പ്രതികരണം നേടി മുന്നേറുകയാണ്. നാട്ടിന്പുറത്തിന്റെ രസങ്ങളും ഓര്മ്മകളും സമ്മാനിക്കുന്ന ഒരു റിയലിസ്റ്റിക് ചിത്രമാണിതെന്നാണ് പ്രേക്ഷക പ്രതികരണം. ഇപ്പോഴിതാ ചിത്രത്തെ പ്രശംസിച്ച് രംഗത്ത് വന്നിരിക്കുകയാണ് യുവസംവിധായകന് അനുരാജ് മനോഹര്. ചിത്രം ലളിതവും മനോഹരവുമാണെന്നാണ് അനുരാജ് പറയുന്നത്.
“സത്യം പറഞ്ഞാല് വിശ്വസിക്കുവോ” കണ്ടിറങ്ങിയപ്പോള് കൂടെപ്പോന്ന ചിലരുണ്ട്..പ്രധാനമായും ഈ ഇരിക്കുന്ന മുതലാണ്.. സ്വാഭാവിക അഭിനയം കൊണ്ട് മനസ്സ് നിറച്ച സുധി കോപ്പയിലെ “താമര”. എഴുത്തിലെ തനിമയും നന്മയും നിറച്ച സമകാലിക കാലത്തെ മികച്ച തിരക്കഥാകൃത്ത് സജീവ് പാഴൂര്(എഴുത്തിലെ മികവ് അഭിനയത്തിലും) കലാസംവിധായകന് നിമേഷ് താനൂര്, സംഗീത സംവിധായകന് വിശ്വജിത്ത്, വരികളെഴുതിയ സുജേഷ് ഹരി, ലളിതം സുന്ദരം…” അനുരാജ് ഫെയ്സ്ബുക്കില് കുറിച്ചു.
ബിജു മേനോനും സംവൃതയ്ക്കും പുറമേ അലന്സിയര്, സൈജു കുറുപ്പ്, സുധി കോപ്പ, സുധീഷ്, ശ്രീകാന്ത് മുരളി, വെട്ടുക്കിളി പ്രകാശ്, വിജയകുമാര്, ദിനേശ് പ്രഭാകര്, മുസ്തഫ, ബീറ്റോ, ശ്രീലക്ഷ്മി, ശ്രുതി ജയന് തുടങ്ങിയവരും ചിത്രത്തിലുണ്ട്.ഒരു വടക്കന് സെല്ഫിക്കു ശേഷം ജി. പ്രിജിത്ത് സംവിധാനം ചെയ്യുന്ന ചിത്രം ഗ്രീന് ടിവി എന്റര്ടെയിനര്, ഉര്വ്വശി തിയേറ്റേഴ്സ് എന്നിവയുടെ ബാനറില് രമാദേവി, സന്ദീപ് സേനന്, അനീഷ് എം തോമസ് എന്നിവര് ചേര്ന്നാണ് നിര്മ്മിക്കുന്നത്. ഛായാഗ്രഹണം ഷഹനാദ് ജലാല്. രഞ്ജന് എബ്രഹാം എഡിറ്റിങ്ങും ഷാന് റഹമാന് സംഗീത സംവിധാനവും നിര്വ്വഹിച്ചിരിക്കുന്നു.