തനിക്ക് നേരെ എത്തുന്ന വിമര്ശനങ്ങളോട് പ്രതികരിച്ച് നടി അനിഖ സുരേന്ദ്രന്. നയന്താരയെ അനുകരിക്കുന്നു എന്നതാണ് ഒരു വിമര്ശനം. എന്തുകൊണ്ടാണ് ഇങ്ങനെ പറയുന്നത്, എന്നോ ഏത് രീതിയിലാണ് താന് അനുകരിക്കുന്നതെന്നോ മനസിലായിട്ടില്ല എന്നാണ് അനിഖ പറയുന്നത്.
”നയന്താരയെ അനുകരിക്കുന്നു എന്നാണ് ഒരു വിമര്ശനം. ഏത് രീതിയിലാണ് ഞാന് നയന്താരയെ അനുകരിക്കുന്നത് എന്ന് എനിക്ക് മനസിലായിട്ടേയില്ല. കാഴ്ചയില് അല്പ്പം സാമ്യമുണ്ട് എന്നു ചിലര് പറയാറുണ്ട്. ബേസ് വോയ്സില് സംസാരിക്കുന്നത് കൊണ്ടാണ് പറയുന്നതെങ്കില് എന്റെ ശബ്ദം ഇങ്ങനെയാണ്.”
”ഈ ശബ്ദത്തിലല്ലേ എനിക്ക് സംസാരിക്കാന് കഴിയൂ. സംസാരിക്കുമ്പോള് ഇംഗ്ലീഷ് വാക്കുകള് കൂടുതല് ഉപയോഗിക്കുന്നു എന്നാണ് മറ്റൊരു വിമര്ശനം. ആറാം ക്ലാസ് വരെ ഞാന് എറണാകുളത്ത് ചോയ്സ് സ്കൂളിലാണ് പഠിച്ചത്. സ്കൂളില് ഇംഗ്ലീഷ് മാത്രമാണ് സംസാരിച്ചിരുന്നത്.”
”തമിഴിലും തെലുങ്കിലും അഭിനയിക്കാന് പോകുമ്പോഴും കൂട്ടുകാരോടും ഇംഗ്ലിഷീലാണ് കൂടുതല് സമയവും സംസാരിക്കുന്നത്. അതുകൊണ്ട് മലയാളം സംസാരിക്കുമ്പോഴും ഇടയ്ക്ക് ഇംഗ്ലീഷ് കലര്ന്നു വരും. അല്ലാതെ ജാഡ കാണിക്കാനല്ല. കമന്റ്സ് നമുക്ക് ഒഴിവാക്കാനാകില്ല.”
”ചിലരുടെ വാക്കുകള് മുറിപ്പെടുത്തും. വിഷമം തോന്നുമ്പോള് ഞാന് കൂട്ടുകാരോടു പങ്കുവയ്ക്കും. അവരുടെ പോസിറ്റീവ് വാക്കുകള് കേള്ക്കുമ്പോള് സങ്കടം മാറും. നെഗറ്റീവ് പറയുന്നവര്ക്കു ഞാന് ആരാണെന്നോ വളര്ന്നു വന്ന സാഹചര്യമോ അറിയില്ല” എന്നാണ് അനിഖ വനിതയ്ക്ക് നല്കിയ അഭിമുഖത്തില് പറയുന്നത്.