തന്റെ പ്രായവുമായി ബന്ധപ്പെട്ട് അഭിമുഖത്തില് രസകരമായ മറുപടി നല്കി അവതാരകനും സീരിയല് നടനുമായ അനീഷ് രവി. തന്റെ പ്രായമാണ് എല്ലാവര്ക്കും പ്രശ്നമെന്നും ആളുകള് കരുതുന്നതിനേക്കാള് പ്രായം തനിക്കുണ്ടെന്നുമാണ് ബിഹൈന്ഡ് വുഡ്സിന് നല്കിയ അഭിമുഖത്തില് അനീഷ് പറയുന്നത്.
നിലവില് ഇന്ത്യ അഭിമുഖീകരിക്കുന്ന ഏറ്റവും വലിയ പ്രശ്നം തന്റെ പ്രായമാണോയെന്നും വാക്സിന് കിട്ടാത്തതല്ലേ എന്നും അനീഷ് ചോദിക്കുന്നു. വിക്കിപീഡിയയില് നല്കിയിരിക്കുന്ന തന്റെ പ്രായം തെറ്റാണെന്നും നടന് കൂട്ടിച്ചേര്ത്തു.
ഏകദേശം 20 വര്ഷം നീണ്ടു നില്ക്കുന്ന കരിയറില് മലയാളത്തിലും തമിഴിലുമായി മുപ്പതോളം സീരിയലുകളിലാണ് അനീഷ് അഭിനയിച്ചിരിക്കുന്നത്. ‘സ്നേഹ തീരം’ എന്ന സീരിയലിലൂടെ എത്തിയ അനീഷ് മോഹനം, സ്ത്രീ, മിന്നുകെട്ട്, ആലിപ്പഴം തുടങ്ങിയ സീരിയലുകളിലൂടെയും ‘കാര്യം നിസാരം’ എന്ന കോമഡി പരമ്പരയിലൂടെയുമാണ് തിളങ്ങിയത്. കൗമുദി ടിവിയില് സംപ്രേക്ഷണം ചെയ്തുവരുന്ന ‘അളിയന്സി’ല് അനീഷ് ഒരു പ്രധാന കഥാപാത്രത്തെ അവതരിപ്പിക്കുന്നുണ്ട്.