ദീര്‍ഘകാലം നീണ്ട പ്രണയത്തിനൊടുവിലാണ് പൃഥ്വിരാജും സുപ്രിയ മേനോനും ഒന്നായത്. മാധ്യമ പ്രവര്‍ത്തകയില്‍ നിന്ന് നിര്‍മ്മാതാവ് എന്ന ചുമതലയിലേക്ക് സുപ്രിയ എത്തുന്നതും വിവാഹത്തിന് ശേഷമാണ്. ഇപ്പോഴിതാ ഇരുവരും ഒരുമിച്ച് ജീവിത യാത്ര തുടങ്ങിയിതിന്റെ പന്ത്രണ്ടാം വാര്‍ഷികം ആഘോഷിക്കുകയാണ്. പൃഥ്വിരാജ് സുപ്രിയയെ കുറിച്ച് സോഷ്യല്‍ മീഡിയയില്‍ പങ്കുവെച്ച കുറിപ്പാണ് ഇപ്പോള്‍ ശ്രദ്ധേയമാകുന്നത്.
സ്ഥിരതയില്ലാതെ വലഞ്ഞിരുന്ന ഒരാള്‍ക്ക് ഇന്ന് ഏവരും മതിക്കുന്ന തരത്തില്‍ ഇതുപോലെ ആയതിന്റെ ഒരേയൊരു കാരണം ഈ പെണ്‍കുട്ടി ആയിരിക്കും! വിവാഹ വാര്‍ഷികാശംസകള്‍, എന്റെ ഉറ്റസുഹൃത്ത്, സഹയാത്രിക, വിശ്വസ്ഥ, എന്റെ മകളുടെ അമ്മ, അങ്ങനെ എണ്ണിയാലൊടുങ്ങാത്ത കാര്യങ്ങള്‍! എന്നേയ്ക്കും ഒരുമിച്ച് പുതിയ കാര്യങ്ങള്‍ പഠിക്കാനും, കണ്ടെത്താനും ഒപ്പം, എന്നാണ് പൃഥ്വി കുറിച്ചത്.
പന്ത്രണ്ടാം വിവാഹ വാര്‍ഷിക ആശംസകള്‍ ‘പി’. ജീവിതയാത്രയിലെ എന്റെ സന്തതസഹചാരി.. ആ ആക്‌സിലേറ്ററില്‍ കാല്‍ വെയ്ക്കുക, പക്ഷേ ചിലപ്പോഴെല്ലാം ബ്രേക്കിട്ട് ഇറങ്ങിയ ശേഷം റോസാപ്പൂക്കളുടെ മണം ആസ്വദിക്കൂ ! ഞാന്‍ നിങ്ങളെ സ്‌നേഹിക്കുന്നു, എന്നും സുപ്രിയ കുറിച്ചു.
2011-ലായിരുന്നു പൃഥ്വിരാജും സുപ്രിയയും വിവാഹിതരായത്.
