രണ്ബീര് കപൂറിനെ ഡിവോഴ്സ് ചെയ്യണമെന്ന് നടി ആലിയയോട് ആവശ്യപ്പെട്ട് ആരാധകര്. അടുത്തിടെ ഒരു പൊതുപരിപാടിയില് പങ്കെടുത്ത് സംസാരിക്കവേ ‘യേ ജവാനി ഹേ ദീവാനി’ എന്ന സിനിമയിലെ ഡയലോഗ് രണ്ബീര് പറഞ്ഞതാണ് പ്രശ്നങ്ങളുടെ തുടക്കം. ആലിയ പരിപ്പ് കറി ആണെന്നായിരുന്നു നടന്റെ പ്രതികരണം. സ്വന്തം ഭാര്യയെ പരിപ്പ് കറിയോട് ഉപമിച്ച അദ്ദേഹത്തെ ഉപേക്ഷിച്ച് പോവാനാണ് നടിയോട് ആരാധകര് ആവശ്യപ്പെടുന്നത്.
രണ്ബീറിന്റെ വാക്കുകളിങ്ങനെ
‘2022 എന്റെ ജീവിതത്തിലെ ഒരു സുപ്രധാന വര്ഷമാണ്. ഞാന് വിവാഹം കഴിച്ചു, അത് എന്നെ സംബന്ധിച്ചിടത്തോളം മനോഹരമായ കാര്യമാണ്. ഞാന് എന്റെ സിനിമയിലെ ഡയലോഗ് പറഞ്ഞു, ‘വിവാഹം എന്ന് പറഞ്ഞാല് പരിച്ചും ചോറും പോലെയാണ്. അമ്പത് വര്ഷം കഴിഞ്ഞ് മരിക്കും വരെയും കൂടെയുണ്ടാവും’ എന്നാല് ജീവിതത്തില് കുറച്ച് കീമ പാവ്, ചിക്കന് കബാബ്, ന്യൂഡീല്സ് എന്നിവയൊക്കെ ഉണ്ടാവണം.
പക്ഷേ എന്റെ ജീവിതാനുഭവത്തിന് ശേഷം തോന്നുന്നത് ഏറ്റവും മികച്ചത് പരിപ്പും ചോറും തന്നെയാണെന്നാണ്. ആലിയ എന്റെ ജീവിതത്തിലെ പരിപ്പ് കറി താളിക്കുന്നത് പോലയാണ്. കാരണം അതാണ് എനിക്കെല്ലാം എന്നും നടന് പറഞ്ഞു’.
നടന് ഉദ്ദേശിച്ചത് വിവാഹശേഷമുള്ള ജീവിതത്തെ പറ്റിയാണെന്നും ആരാധകര് പറയുന്നു. കബാബ് എന്നും ന്യൂഡീല്സ് എന്നുമൊക്കെ അദ്ദേഹം ഉദ്ദേശിച്ചത് ദീപികയെയും കത്രീനയെയും ആണ്. ഒടുവില് ഭാര്യ ആലിയയിലേക്ക് എത്തിയപ്പോള് ചോറ് ആയെന്നും ചിലര് സൂചിപ്പിച്ചു. ആലിയ എത്രയും വേഗം അദ്ദേഹത്തെ ഉപേക്ഷിച്ച് പോവുകയാണ് വേണ്ടത്.അവര് പറയുന്നു.