നിരവധി പ്രേക്ഷക പ്രശംസ നേടിയ ചിത്രമായിരുന്നു കാണെ കാണെ. മനു അശോകൻ സംവിധാനം ചെയ്ത ചിത്രത്തിൽ ടൊവിനോ സൂരജ് വെഞ്ഞാറമൂട്, ഐശ്വര്യ ലക്ഷ്മി എന്നിവരായിരുന്നു പ്രധാന കഥാപാത്രമായി എത്തിയത്. ഇപ്പോഴിതാ ചിത്രത്തിലെ സൂരാജിന്റെ അഭിനയത്തെ കുറിച്ച് ഐശ്വര്യ ലക്ഷ്മി പറഞ്ഞ വാക്കുകളാണ് ശ്രദ്ധ നേടുന്നത്.
ചിത്രത്തിൽ സൂരാജിന്റെ അഭിനയമാണ് ഏറെ ശ്രദ്ധ നേടിയത്. അദ്ദേഹം കഥാപാത്രമായി മാറുകയായിരുന്നു. സിനിമയിൽ അദ്ദേഹം കൊച്ചുമകനെ കാണാൻ വരുന്ന ഒരു സീനുണ്ട്. കുഞ്ഞിനോട് നിനക്കെന്നെ അറിയുമോ എന്ന് ചോദിക്കുന്ന ഒരു സീനുണ്ട്. ആ ചോദ്യം സുരാജേട്ടൻ ചോദിച്ചത് വലിയൊരു വേദനയോടെയാണ്
കുഞ്ഞുകുട്ടിയായതുകൊണ്ട് തന്നെ അദ്ദേഹത്തിന് കൊഞ്ചിച്ച് ചോദിക്കാമായിരുന്നു എന്നിട്ടും അദ്ദേഹം വളരെ വേദനയോടെയാണ് അത് ചോദിച്ചത്. കാഴ്ച്ചക്കാരന് വേദന നൽകുന്ന ഒരു സീനായിരുന്നു അതെന്നും അവർ കൂട്ടിച്ചേർത്തു.
ഗ്ലീസറിൻ പോലും ഇല്ലാതെയാണ് അദ്ദേഹം കരയുന്നത്. ഇമോഷൻസിനെ കൃത്യമായി അവതരിപ്പിക്കാൻ അദ്ദേഹത്തിന് കഴിയുമെന്നും ഐശ്വര്യ ലക്ഷ്മി കൂട്ടിച്ചേർത്തു.