‘ദര്ശന’ എന്ന പാട്ട് കേട്ടപ്പോള് പ്രണവ് മോഹന്ലാലിനെ കുറിച്ച് അഭിമാനം തോന്നിയെന്ന് നടി റേച്ചല് ഡേവിഡ്. ഇരുപത്തിയൊന്നാം നൂറ്റാണ്ട് സിനിമയില് പ്രണവിന്റെ നായികയായി അരങ്ങേറ്റം കുറിച്ച നടിയാണ് റേച്ചല് ഡേവിഡ്. തന്റെ അടുത്ത സുഹൃത്താണ് പ്രണവെന്നും ഇപ്പോഴും സൗഹൃദം തുടരുന്നുണെന്നും താരം പറയുന്നു.
ഇന്റസ്ട്രിയിലെ തന്റെ അടുത്ത സുഹൃത്താണ് പ്രണവ്. ഇപ്പോഴും ആ സൗഹൃദം സൂക്ഷിക്കുന്നുണ്ട്. വാട്സ്ആപ്പും മറ്റ് മൊബൈല് ആപ്പുകളും എല്ലാം സജീവമായി തന്നെ ഉപയോഗിക്കുന്ന ആളാണ് പ്രണവ്. യാത്രകളും കാര്യവും ഒക്കെ ഉണ്ടെങ്കിലും അദ്ദേഹം എപ്പോഴും ആക്ടീവ് ആണ്.
സെറ്റില് എത്തുമ്പോള് തന്നിലെ നടനുമായിട്ടാണ് അദ്ദേഹം വരുന്നത്. ‘ദര്ശന’ എന്ന പാട്ട് കേട്ടപ്പോള് ശരിക്കും തനിക്ക് പ്രണവിനെ കുറിച്ച് അഭിമാനം തോന്നി. ഈ ചിത്രം തീര്ച്ചയായും പ്രണവിന്റെ കരിയറില് ഒരു ബ്രേക്ക് ആയിരിക്കും. പ്രണവിന് ഒരുപാട് എക്സ്പ്ലോര് ചെയ്യാനുണ്ട്.
സംവിധായകന് അത് പുറത്ത് കൊണ്ടു വരും എന്ന് കരുതുന്നു. ദര്ശന എന്ന പാട്ട് ഇപ്പോള് തന്റെ പേഴ്സണല് ഫേവറേറ്റില് ഒന്നാണെന്നും റേച്ചല് ഇന്ത്യഗ്ലിഡ്സിന് നല്കിയ അഭിമുഖത്തില് റേച്ചല് വ്യക്തമാക്കി. സുരേഷ് ഗോപി ചിത്രം കാവല് ആണ് റേച്ചലിന്റെതായി റിലീസിന് ഒരുങ്ങുന്ന ഏറ്റവും പുതിയ ചിത്രം.