മീടു ആരോപണങ്ങളെ താന് ശക്തമായി എതിര്ക്കുമെന്ന് നടി പ്രിയങ്ക. ഈ ഫീല്ഡില് പലരും അവര് പോയി എന്നൊക്കെ പറഞ്ഞ് നടക്കുന്നുണ്ട്. പക്ഷെ എനിക്ക് അങ്ങനൊരു കയ്പ്പേറിയ അനുഭവം ഉണ്ടായിട്ടില്ല. കൂടെ പോയതിന് ശേഷം മീടു എന്ന് പറഞ്ഞ് അവരെ കരിവാരി തേക്കുന്നത് ശരിയല്ല. എന്നാല് പോകാതിരുന്നുകൂടെ എന്നാണ് പ്രിയങ്ക ചോദിക്കുന്നത്.
”നമ്മുടെ പ്രശ്നങ്ങള് പലതും നമ്മള് തന്നെ സൃഷ്ടിക്കുന്നതാണ്. എനിക്ക് ലൊക്കേഷനില് കയ്പ്പേറിയ അനുഭവം ഉണ്ടായിട്ടില്ല. അത്തരം അനുഭവം ഉണ്ടായാല് അതിന്റെ ഇരട്ടി തിരിച്ച് കൊടുക്കാന് കഴിയുന്ന വ്യക്തിയാണ് ഞാന്. മറ്റുള്ളവരുടെ പ്രശ്നങ്ങള് പരിഹരിച്ചത് പോലെ സന്ദര്ഭങ്ങള് ഉണ്ടായിട്ടുണ്ട്.”
”ഒരു സെറ്റില് എല്ലാവരുമായി നല്ല രീതിയില് പോയാല് ഒരു തരത്തിലും പ്രശ്നം വരില്ല. ഒരാളുമായി കുറേക്കാലം സംസാരിച്ച് പിന്നീട് എന്തെങ്കിലും പറയുമ്പോള് പഴയ കാര്യം വലിച്ചിടുന്നത് തെറ്റാണ്. ഒരു പെണ്ണ് ഒരിക്കലും ചെയ്യരുത്. അന്ന് പറഞ്ഞപ്പോള് തന്നെ അത് എതിര്ക്കണമായിരുന്നു. ഈ ഫീല്ഡില് പലരും അവര് പോയി എന്നൊക്കെ പറഞ്ഞ് നടക്കുന്നുണ്ട്.
”അത് ശരിയല്ല ഒരാള് മറ്റൊരാള്ക്കൊപ്പം പോകുന്നത് അവരുടെ ഇഷ്ടമാണ്. എന്നാല് പിന്നീട് അത് പറഞ്ഞ് പുരുഷനെതിരെ പറയുന്നത് ശരിയല്ല. മീടു ആരോപണങ്ങളെ ഞാന് ശക്തമായി എതിര്ക്കും കൂടെ പോയിട്ട് പിന്നീട് അത് പറഞ്ഞ് അവരെ കരിവാരിതേക്കുന്നത് എന്തിനാണ്? പോവാതിരുന്നൂടെ.”
”അവരെ ചങ്ങലയ്ക്ക് കെട്ടിവലിച്ച് കൊണ്ടുപോയാല് അത് സത്യമാണ്. എന്നാല് ഇവിടെ സ്വന്തം ഇഷ്ടപ്രകാരം പോയി അവര്ക്കൊപ്പം പടം ചെയ്ത് കറങ്ങി അടിച്ച് നടന്ന്. ഒടുവില് ഒരു സുപ്രഭാതത്തില് നിങ്ങള് അങ്ങനെ ചെയ്തില്ലെ എന്ന് ചോദിക്കുന്നതില് എന്താണ് ഉള്ളത്” എന്നാണ് പ്രിയങ്ക ഒരു യൂട്യൂബ് ചാനലിന് നല്കിയ അഭിമുഖത്തില് പറയുന്നത്.