വിജയ് ദേവരകൊണ്ടയുടെ ഹിറ്റ് ചിത്രത്തോട് നോ പറഞ്ഞതിനെ കുറിച്ച് വ്യക്തമാക്കി നടി പാര്വതി നായര്. 2017ല് പുറത്തിറങ്ങിയ സൂപ്പര് ഹിറ്റ് ചിത്രം “അര്ജുന് റെഡ്ഡി” ആണ് പാര്വതി വേണ്ടെന്ന് വച്ചത്. ഇന്സ്റ്റഗ്രാമില് ആരാധകരുമായി സംവദിക്കുന്നതിനിടെയാണ് ഇക്കാര്യം പാര്വതി തുറന്നു പറഞ്ഞത്.
“”ഞാന് ഒരിക്കലും നഷ്ടപ്പെടുത്താന് പാടില്ലാത്ത ഒരു നല്ല ചിത്രമായിരുന്നു അത്. പക്ഷേ എനിക്കുള്ള ചിത്രങ്ങള് എന്നെ തന്നെ തേടിയെത്തുമെന്ന് ഞാന് വിചാരിക്കുന്നു. അതുകൊണ്ട് തന്നെ ഒരുപാട് മനോഹരമായ സിനിമകള് എന്റേതായി വരും എന്ന് പ്രതീക്ഷിക്കുന്നു”” എന്നാണ് പാര്വതിയുടെ വാക്കുകള്.
സന്ദീപ് വാങ്ക സംവിധാനം ചെയ്ത അര്ജുന് റെഡ്ഡിയില് ശാലിനി പാണ്ഡെ ആണ് നായികയായത്. നടന് വിജയ് ദേവരകൊണ്ടയ്ക്കും ശാലിനിയ്ക്കും ആഗോളതലത്തില് ശ്രദ്ധ നേടിക്കൊടുത്ത ചിത്രമായിരുന്നു അര്ജുന് റെഡ്ഡി. ചിത്രത്തിന്റെ ഹിന്ദി, തമിഴ് റീമേക്കുകളും പുറത്തിറങ്ങിയിരുന്നു.
വി.കെ പ്രകാശ് ചിത്രം പോപ്പിന്സിലൂടെ അഭിനയരംഗത്തേക്ക് എത്തിയ താരമാണ് പാര്വതി നായര്. യക്ഷി ഫെയ്ത്ഫുള്ളി യുവേഴ്സ്, നീ കൊ ഞാ ചാ, ഡോള്സ് തുടങ്ങിയ മലയാള ചിത്രങ്ങളില് വേഷമിട്ട താരം കന്നഡയിലും തമിഴിലും ചിത്രങ്ങള് ചെയ്തു. അജിത്ത് ചിത്രം യെന്നൈ അറിന്താല്, ഉത്തമ വില്ലന്, ജെയിംസ് ആന്ഡ് ആലീസ്, നിമിര്, നീരാളി, സീതാക്കത്തി തുടങ്ങിയവയാണ് മറ്റ് ശ്രദ്ധേയ ചിത്രങ്ങള്.