ചെറുപ്പകാലത്ത് നേരിട്ട ദുരനുഭവങ്ങള് തുറന്നു പറഞ്ഞ് നടി അവ്നീത് കൗര്. മര്ദാനി, ദോസ്ത് തുടങ്ങി ടിങ്കു വെഡ്സ് ഷേരു തുടങ്ങിയ ബോളിവുഡ് ചിത്രങ്ങളിലൂടെ ശ്രദ്ധ നേടിയ താരമാണ് അവ്നീത്. ബാലതാരമായി അരങ്ങേറ്റം കുറിച്ച് പിന്നീട് നായികയായി മാറിയ നടിയാണ് അവ്നീത് കൗര്. സംവിധായകന് അടക്കം മോശമായി പെരുമാറിയതിനെ കുറിച്ചാണ് നടി സംസാരിച്ചിരിക്കുന്നത്.
എട്ടാം വയസില് ഒരു ഡാന്സ് റിഹേഴ്സലിനിടെ ഒരാള് തന്നെ മോശമായി സ്പര്ശിച്ചു. ഇക്കാര്യം ഞാന് ഇത് അമ്മയോട് പറഞ്ഞു. അമ്മ ഗുഡ് ടച്ചും ബാഡ് ടച്ചും എനിക്ക് പറഞ്ഞുതന്നു. അന്ന് മുതല് ഞാന് ഒന്ന് കരുതിയിരിക്കുമായിരുന്നു എന്നാണ് അവ്നീത് കൗര് പറയുന്നത്.
12-ാം വയസില് സംവിധായകന് അധിക്ഷേപിച്ചതിനെ കുറിച്ചും അവ്നീത് പറയുന്നുണ്ട്. ഒരിക്കല് ഒരു സംവിധായകന് കടുത്ത ഭാഷയില് എന്നോട് സംസാരിച്ചു. അന്ന് പതിനൊന്നോ പന്ത്രണ്ടോ എനിക്കുള്ളത്. ഞാന് പേടിച്ചു പോയി. അയാള് മൈക്ക് എടുത്ത് രൂക്ഷമായി സംസാരിച്ചു.
എന്നെ കൊണ്ട് ഒന്നും ചെയ്യാന് സാധിക്കില്ലെന്നും ഈ മേഖലയില് ഞാന് ഒരിക്കലും വിജയിക്കില്ലെന്നും പറഞ്ഞു. അയാള് എന്നെ അധിക്ഷേപിച്ചു. മാതാപിതാക്കളോട് ഇക്കാര്യം പറഞ്ഞു. ഒരു അഭിനേതാവെന്ന നിലയില് എന്റെ ആത്മവിശ്വാസം തകര്ന്നു എന്നാണ് അവ്നീത് കൗര് പറയുന്നത്.