താന്‍ അനുഭവിച്ച ദുരനുഭവത്തെ കുറിച്ച് നടന്‍ സുധീര്‍ പറഞ്ഞ വാക്കുകള്‍ ചര്‍ച്ചയാകുന്നു. ഒരു നടി മൂന്ന് വര്‍ഷത്തോളം തന്നെ കീപ്പ് ആയി കൊണ്ട് നടന്നു എന്നാണ് സുധീര്‍ വെളിപ്പെടുത്തിയിരിക്കുന്നത്. ഭാര്യയോടൊപ്പം സ്വകാര്യ യൂട്യൂബ് ചാനലിന് നല്‍കിയ അഭിമുഖത്തിലാണ് താരം സംസാരിച്ചത്.
മൂന്ന് വര്‍ഷം ഒരു സ്ത്രീ എന്നെ അവരുടെ കീപ്പ് ആയി കൊണ്ടു നടന്നു. എനിക്ക് ഇഷ്ടം പോലെ പൈസ തന്നു. വലിയൊരു ആളാണ്. അവരുടെ കീഴില്‍ ജോലി ചെയ്യുകയായിരുന്നു ഞാന്‍. ആ സമയത്ത് എനിക്ക് പടമൊന്നും ഇല്ലായിരുന്നു. അവരുടെ സാമ്പത്തിക കാര്യങ്ങളും മറ്റും നോക്കിയിരുന്നതും ഞാനാണ്. പക്ഷെ ചതിയായിരുന്നു.
കുറേ കഴിഞ്ഞപ്പോള്‍ അവര്‍ എന്നെ തേച്ചു, എന്നെ ഒഴിവാക്കി വിട്ടു. ഞാന്‍ ഇത് ആരോട് പറയും. എനിക്കാര് നീതി തരും. കോടതിയില്‍ പറഞ്ഞാല്‍ എനിക്ക് നീതി കിട്ടുമോ. എന്റെ ഭാര്യയുടെ മുന്നില്‍ വച്ചാണ് ഞാനിത് പറയുന്നത്. എന്റെ ആരോഗ്യവും സിക്‌സ് പാക്കും ഒക്കെ ഉണ്ടായിരുന്ന സമയത്ത് എന്നെ പലരും ഉപയോഗിച്ചിട്ടുണ്ട്.
കുട്ടിക്കാലത്ത് ഒന്നും അറിയാത്ത കാലത്ത് എന്നെ ഒരുപാട് ആണുങ്ങള്‍ ഉപയോഗിച്ചിട്ടുണ്ട്. അന്ന് ബോധമില്ല, എന്ത് അറിയാനാണ്. അതിനൊക്കെ ആരോട് പോയാണ് പരാതിപ്പെടുക എന്നാണ് സുധീര്‍ പറയുന്നത്.
സുധീറിന്റെ ഭാര്യ പ്രിയയും അഭിമുഖത്തില്‍ സംസാരിക്കുന്നുണ്ട്. സ്ഥലം എഴുതി തരാം പുള്ളിയെ വിട്ടു തരാമോ എന്ന് നടിയോട് താന്‍ ചോദിച്ചിരുന്നു എന്നാണ് നടന്റെ ഭാര്യ പറയുന്നത്. അതേസമയം, ക്യാന്‍സറിനെ അതിജീവിച്ചാണ് സുധീര്‍ വീണ്ടും സിനിമയിലേക്ക് എത്തിയിരിക്കുന്നത്.